ലോറൻസ് ബിഷ്ണോയിയുടെ പേരിൽ നടൻ സൽമാൻ ഖാന് വീണ്ടും വ ധഭീ ഷണി. മുംബൈ പൊലീസിന്റെ ട്രാഫിക് കൺട്രോൾ യൂണിറ്റിലേക്കാണ് സന്ദേശമെത്തിയിരിക്കുന്നത്. കൃഷ്ണ മൃ​ഗത്തെ വേട്ടയാടിയതു മുതൽ ബിഷ്ണോയ് സമുദായത്തിന്റെ കണ്ണിലെ കരടാണ് താരം.

കൃഷ്ണമൃഗത്തെ വേട്ടയാടിയതിന് പ്രായശ്ചിതമായി സൽമാൻ ഖാൻ ബിഷ്ണോയി സമുദായത്തിന്റെ ക്ഷേത്രത്തിൽ ദർശനം നടത്തി മാപ്പ് പറയണമെന്നും അല്ലെങ്കിൽ അഞ്ച് കോടി രൂപ നൽ‌കണമെന്നുമാണ് ഭീഷണി സന്ദേശത്തിൽ പറയുന്നത്. അനുസരിച്ചില്ലെങ്കിൽ മ രിക്കാൻ തയ്യാറിക്കോളൂവെന്നും പറയുന്നു.

ലോറൻസ് ബിഷ്ണോയിയുടെ സഹോദരൻ എന്ന് അവകാശപ്പെട്ടുകൊണ്ടാണ് സന്ദേശമെത്തിയിരിക്കുന്നത്. പോലീസ് അന്വേഷണം ആരംഭിച്ചിട്ടുണ്ട്. സംഭവത്തിന് പിന്നാലെ സൽമാൻ ഖാന്റെ സുരക്ഷ വർദ്ധിപ്പിച്ചു. നേരത്തെയും നടനെതിരെ വ ധ ഭീ ഷണി വന്നിരുന്നു. അപ്പോഴും നടന്റെ സുരക്ഷ വർധിപ്പിച്ചിരുന്നു.

ഇതൊന്നും നിസാരമായി കാണരുത്. ലോറൻസ് ബിഷ്ണോയിയുമായുള്ള ശത്രുത അവസാനിപ്പിക്കാനും ജീവനോടെ ഇരിക്കാനും അഞ്ചു കോടി രൂപ ഞങ്ങൾക്ക് നൽകണം. പണം നൽകിയില്ലെങ്കിൽ വെ ടിയേറ്റ് കൊല്ലപ്പെട്ട മുൻ മന്ത്രിയും എൻ.സി.പി നേതാവുമായ ബാബ സിദ്ദീഖിയുടേതിനേക്കാൾ മോശമാകും സൽമാൻ ഖാന്റെ അവസ്ഥയെന്നും ആദ്യം വന്ന ഭീ ഷണി സന്ദേശത്തിൽ പറഞ്ഞിരുന്നു.

രണ്ട് കോടി രൂപ നൽകിയില്ലെങ്കിൽ സൽമാൻ ഖാനെ കൊ ലപ്പെടുത്തുമെന്ന് മറ്റൊരു സന്ദേശം വന്നിരുന്നു. ഇതിൽ 56കാരനെ പോലീസ് പിടികൂടിയിരുന്നു. ഇയാൾ തന്നെയാണോ സന്ദേശമയച്ചത് അതോ മറ്റാരെങ്കിലും ഇദ്ദേഹത്തിൻറെ ഫോണുപയോഗിച്ച് ചെയ്തതാണോയെന്ന് പോലീസ് ഇതുവരെ വെളിപ്പെടുത്തിയിട്ടില്ല.

ബാബാ സിദ്ദിഖിയുടെ മരണശേഷം മൂന്നു തവണയാണ് സൽമാനെ കൊ ല്ലുമെന്ന് ഭീ ഷണി ലഭിക്കുന്നത്. ആദ്യം 5 കോടി ആവശ്യപ്പെട്ട് ഭീ ഷണി സന്ദേശമയച്ചയാൾ പിന്നീട് മാപ്പു പറഞ്ഞിരുന്നു. തുടർന്ന് കഴിഞ്ഞ ദിവസം ബാബാ സിദ്ദിഖിയുടെ മകൻ സീഷൻ സിദ്ദിഖിയുടെ ബാന്ദ്രയിലെ എംഎൽഎ ഓഫീസിൽ ആണ് സന്ദേശമെത്തിയത്.സീഷനെയും സൽമാനെയും ഒരുമിച്ച് കൊ ല്ലുമെന്നായിരുന്നു ഭീ ഷണി. ഇതയച്ചയാളെ നോയിഡയിൽ വെച്ച് പൊലീസ് പിടികൂടിയിരുന്നു.