കഴിഞ്ഞ ദിവസമായിരുന്നു നടൻ ഷാരൂഖ് ഖാന് നേരെ വ ധഭീ ഷണി വന്നിരുന്നതായുള്ള വാർത്തകൾ പുറത്തെത്തിയത്. ഇപ്പോഴിതാ നടനെതിരെ വധഭീഷണി മുഴക്കാന്‍ ഉപയോഗിച്ചത് ഒരു അഭിഭാഷകന്റെ ഫോണ്‍ ആണെന്നാണ് പുറത്ത് വരുന്ന വിവരം. അഭിഭാഷകനായ ഫൈസാന്‍ ഖാന്റെ ഫോണിൽ നിന്നാണ് സന്ദേശമെത്തിയതെന്നാണ് വിവരം.

എന്നാൽ തന്റെ ഫോണ്‍ മൂന്ന് ദിവസം മുമ്പ് കാണാതായിരുന്നു എന്നാണ് അഭിഭാഷകനായ ഫൈസാന്‍ ഖാന്‍ അവകാശപ്പെടുന്നത്. ചൊവ്വാഴ്ചയാണ് ബാന്ദ്ര പൊലീസ് സ്റ്റേഷനിലേക്ക് കോള്‍ വന്നത്. 50 ലക്ഷം രൂപ നൽകിയില്ലെങ്കിൽ കൊ ലപ്പെടുത്തുമെന്നാണ് വിളിച്ചയാള്‍ ഷാരൂഖിനോട് ആവശ്യപ്പെട്ടത്.

എന്നാൽ ഫോണിന്റെ ഉടമയായ അഭിഭാഷകന്‍ നേരത്തെ പരാതി നല്‍കിയ ആളാണ് എന്നും പോലീസ് പറയുന്നു. 1994ൽ പുറത്തെത്തിയ ഷാരൂഖ് ഖാന്റെ അഞ്ജാം എന്ന സിനിമയിലെ മാന്‍ വേട്ടയെ പരാമര്‍ശിക്കുന്ന ഒരു സംഭാഷണത്തിന് എതിരെയാണ് ഇദ്ദേഹം മുംബൈ പൊലീസില്‍ പരാതി നല്‍കിയിരുന്നത്.

ഞാന്‍ രാജസ്ഥാന്‍ സ്വദേശിയാണ്. ബിഷ്ണോയ് സമൂഹത്തെ എനിക്കറിയാം. മാനുകളെ സംരക്ഷിക്കുന്നതിനെ കുറിച്ച് അവരുടെ മതത്തില്‍ പറഞ്ഞിട്ടുണ്ട്. അതിനാല്‍, ഒരു മുസ്ലീം മാനിനെ കുറിച്ച് ഇങ്ങനെ എന്തെങ്കിലും പറഞ്ഞാല്‍ അത് അപലപനീയമാണ്. അതിനാല്‍, ഞാന്‍ ഒരു എതിര്‍പ്പ് ഉന്നയിച്ചത് എന്നാണ് ഇതിനോട് അഭിഭാഷകന്‍ പ്രതികരിച്ചത്.