പ്രഭാസിനെ മുന്നിലെത്തിച്ചത് ബാഹുബലി, കല്‍ക്കി 2898 എഡി തുടങ്ങിയ ബ്ലോക്ക്ബസ്റ്റര്‍ ഹിറ്റുകള്‍ .ഓര്‍മാക്‌സ് മീഡിയ രാജ്യത്തെ ജനപ്രിയ താരങ്ങളുടെ പുതിയ പട്ടിക പുറത്തിറക്കി.

പ്രഭാസ്,വിജയ്,യാഷ്, അല്ലു അര്‍ജുന്‍, ജൂനിയര്‍ എന്‍ടി ആര്‍ തുടങ്ങി സൗത്ത് ഇന്ത്യന്‍ നായകന്മാരാണ് ആദ്യ അഞ്ചു സ്ഥാനങ്ങളില്‍ ഇടം നേടിയത്.

അക്ഷയ് കുമാറും ഷാരുഖ് ഖാനുമാണ് ആകെയുള്ള ബോളിവുഡ് നടന്മാര്‍. രാം ചരണ്‍, സൂര്യ, അജിത് കുമാര്‍, മഹേഷ് ബാബു എന്നിവരും ആദ്യ പത്തുപേരില്‍ ഇടം നേടിയ താരങ്ങളാണ്.

ബാഹുബലി, കല്‍ക്കി 2898 എഡി തുടങ്ങിയ ബ്ലോക്ക്ബസ്റ്റര്‍ ഹിറ്റുകളാണ് പ്രഭാസിനെ മുന്നിലെത്തിച്ചത്. ബോളിവുഡിന്റെ ബാദ്ഷാ ഷാരൂഖ് ഖാന്‍ ആദ്യ മൂന്ന് സ്ഥാനങ്ങളില്‍ നിന്ന് പുറത്തായി എന്നതും ശ്രദ്ധേയമാണ്. പകരം ദക്ഷിണേന്ത്യന്‍ താരങ്ങളായ ദളപതി വിജയും അല്ലു അര്‍ജുനുമാണ് രണ്ടും മൂന്നും സ്ഥാനങ്ങളിലുള്ളത്.