രൺവീർസിംഗ് നായകനായ പ്രളയ് എന്ന ചിത്രത്തിലൂടെ ബോളിവുഡ് അരങ്ങേറ്റത്തിന് മലയാളത്തിന്റെ കല്യാണി പ്രിയദർശൻ. നവാഗതനായ ജയ് മെഹ്ത സംവിധാനം ചെയ്യുന്ന ചിത്രത്തിന്റെ പ്രീപ്രൊഡക്ഷൻ ഏപ്രിലിൽ ആരംഭിക്കും.

രൺവീർ സിംഗ്, സമീർ നായർ, ഹൻസൽ മെഹ്‌ത എന്നിവരാണ് നിർമ്മാണം. രൺവീർ സിംഗിന്റെ പുതിയ നിർമ്മാണ കമ്പനിയായ മാ കസം ഫിലിംസിന്റെ ആദ്യ നിർമ്മാണ സംരംഭം കൂടി ആണ്.ജൂലായിൽ ചിത്രീകരണം തുടങ്ങും.

ലോക എന്ന ചിത്രത്തിലൂടെ പോയവർഷം പാൻ ഇന്ത്യൻ ശ്രദ്ധ നേടിയ താരമാണ് കല്യാണി പ്രിയദർശൻ. ആഗോള ബോക്സ് ഓഫീസിൽ ലോക നേടിയത് മുന്നൂറുകോടി രൂപ ആണ്. ലോകയ്ക്കുശേഷം മലയാളത്തിൽ പുതിയ ചിത്രങ്ങളൊന്നും കല്യാണി കമ്മിറ്റ് ചെയ്തിട്ടില്ല.

കാർത്തിയുടെ മാർഷ്വൽ, രവി മോഹന്റെ ജീനി എന്നിവയാണ് കല്യാണിയുടെ പുതിയ തമിഴ് ചിത്രങ്ങൾ.

രജനികാന്ത് നായകനായി രാജ് കമൽ ഫിലിംസ് ഇന്റർനാഷണൽ നിർമ്മിച്ച് സിബി ചക്രവർത്തി സംവിധാനം ചെയ്യുന്ന ചിത്രത്തിൽ അഭിനയിക്കാൻ ഒരുങ്ങുകയാണ് കല്യാണി .