വിദ്യാബാലന്‍ പ്രൈവറ്റ് ഡിറ്റക്ടീവായി അഭിനയിച്ച ബോബി ജാസൂസ് അത്രപോരാ. വലിയ പബ്ലിസിറ്റിയോടെയാണ് ചിത്രം തിയറ്ററുകളിലെത്തിയത്. പക്ഷെ, വിദ്യയുടെ പന്ത്രണ്ട് ഗെറ്റപ്പ് മാത്രം കൊള്ളാം. ആദ്യപകുതി ഏറെക്കുറെ മോശമല്ലെങ്കിലും രണ്ടാം പകുതിയും ക്‌ളൈമാക്‌സും പ്രേക്ഷകരെ നിരാശരാക്കി. വലിയൊരു സംഭവം പറഞ്ഞ് വന്നിട്ട് അവസാനം നനഞ്ഞ പടക്കം പോലെയായി. ആവശ്യമില്ലാത്ത സിറ്റുവേഷനില്‍ പ്രണയഗാനം വന്നതും പ്രശ്‌നമായി. ബോളിവുഡില്‍ ആദ്യമായാണ് നായികാ പ്രാധാന്യമുള്ള വേഷത്തില്‍  നായിക ഡിറ്റക്ടീവായി അഭിനയിക്കുന്നത്. 

ബോബി ഡിറ്റക്ടീവാകാന്‍ പല ഏജന്‍സികളിലും ശ്രമിക്കുന്നെങ്കിലും നടക്കുന്നില്ല. പരമ്പരാഗത മുസ്ലിം കുടുംബത്തില്‍ ജനിച്ച ബോബിയുടെ പിതാവിന് അവളുടെ ജോലി ഇഷ്ടമല്ല. പക്ഷെ, അവള്‍ക്ക് ജോലി വലിയ ക്രേസാണ്. ഇതിനിടെ ഊരും പേരും അറിയാത്ത ഒരു പെണ്‍കുട്ടിയെ കണ്ടെത്തണമെന്ന ആവശ്യവുമായി ഒരാള്‍ അവളെ സമീപിക്കുന്നു. അവള്‍ പെണ്‍കുട്ടിയെ കണ്ടെത്തുന്നു. അതില്‍ നിന്ന് ലഭിച്ച ഭീമമായ തുക കൊണ്ട് ബോബി സ്വന്തമായി ഒരു ഏജന്‍സി തുടങ്ങുന്നു. അതിനിടെ തന്റെ വിവാഹം മുടക്കിത്തരണമെന്ന ആവശ്യവുമായി ഒരു യുവാവ് ബോബിയെ സമീപിക്കുന്നു. ഡിറ്റക്ടീവായ ബോബി പല കള്ളങ്ങളും ഒപ്പിച്ച് വിവാഹങ്ങള്‍ മുടക്കുന്നു. പിന്നീട് അവള്‍ അതിന് വഴങ്ങാഞ്ഞപ്പോള്‍ ബോബിയുടെ വീട്ടില്‍ കല്യാണ ആലോചനയുമായി യുവാവ് എത്തുന്നു. പക്ഷെ, അവള്‍ വിവാഹത്തിന് സമ്മതിക്കുന്നു.

ആദ്യം പെണ്‍കുട്ടിയെ അന്വേഷിച്ച് വന്നയാള്‍ വീണ്ടും ബോബിയെ തേടിവരുന്നു. മറ്റൊരു പെണ്‍കുട്ടിയെ കണ്ടെത്തണമെന്ന് ആവശ്യപ്പെടുന്നു. കൂടുതല്‍ തുകയും നല്‍കുന്നു. ആ പെണ്‍കുട്ടിയെയും കണ്ടെത്തുന്നു. പക്ഷെ, ഈ രണ്ടു പെണ്‍കുട്ടികളെയും കാണാനില്ലെന്ന് ബോബിക്ക് വിവരം ലഭിക്കുന്നു. തുടര്‍ന്ന് ബോബി അവര്‍ക്കായി നടത്തുന്ന അന്വേണമാണ് ബോബി ജാസൂസ്. വിദ്യാബാലന്റെ സ്റ്റാര്‍ വാല്യു മുതലാക്കാന്‍ എടുത്ത ചിത്രമാണ്. പക്ഷെ, അതിന്റെ കെമിസ്ട്രി ശരിയായില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha