കൊച്ചിയിൽ നടി ആക്രമിക്കപ്പെട്ട സംഭവത്തിൽ പ്രതിയായ ദിലീപിനെ തിരിച്ചെടുത്ത 'അമ്മ'യ്‌ക്കെതിരെ രൂക്ഷവിമര്‍ശനവുമായി സംവിധായകന്‍ കമല്‍ രംഗത്ത്. അമ്മ ജനാധിപത്യ വിരുദ്ധ സംഘനയാണ് അവരില്‍ നിന്ന് ജനാധിപത്യം പ്രതീക്ഷിക്കുന്ന നമ്മളാണ് വിഡ്ഢികൾ. രാജിവച്ച നടിമാരുടേത് ധീരമായ നിലപാടാണെന്നും ആ തീരുമാനം ചരിത്രത്തില്‍ രേഖപ്പെടുത്തുമെന്നും കമല്‍ പറഞ്ഞു.

വിഷയത്തില്‍ എന്തുകൊണ്ട് പ്രതികരിക്കുന്നില്ലെന്ന് പലരും ചോദിച്ചതിനുള്ള ഉത്തരം, പോത്തിനോട് വേദം ഓതിയിട്ട് കാര്യമില്ല എന്നാണെന്നും അദ്ദേഹം പറഞ്ഞു. സിനിമ തുടങ്ങിയ കാലം മുതല്‍ ലൈംഗിക ചൂഷണം നടക്കുന്നുണ്ട്. ഇന്ന് പെണ്‍കുട്ടികള്‍ ധൈര്യപൂര്‍വ്വം പുറത്തു പറയുന്നതുകൊണ്ടാണ് സംഭവം ജനം അറിയുന്നത്.
ഈ ലൈംഗിക ചൂഷണത്തേക്കാള്‍ ഭീകരമാണ് സിനിമയിലെ പുരുഷാധിപത്യം. ജാതിയമായ വേര്‍തിരിവ് ഏറ്റവും കൂടുതല്‍ ഉള്ള മേഖലയാണ് സിനിമയെന്നും കമൽ പറഞ്ഞു.