നിരവധി സിനിമകളില് ഒന്നിച്ച് അഭിനയിച്ചിട്ടുള്ള സുരേഷ് ഗോപിയുടെയും മണിയന്പിള്ള രാജുവിന്റെയും മക്കള് ഒന്നിക്കുന്നു.
നിരവധി സിനിമകളില് ഒന്നിച്ച് അഭിനയിച്ചിട്ടുള്ള സുരേഷ് ഗോപിയുടെയും മണിയന്പിള്ള രാജുവിന്റെയും മക്കള് ഒന്നിക്കുന്നു. നവാഗതനായ അനില്രാജ് സംവിധാനം ചെയ്യുന്ന സൂത്രക്കാരന് എന്ന ചിത്രത്തിലാണ് ഇവരുടെ പുത്രന്മാര് കൈകോര്ക്കുന്നത്. സ്മൃതി സിനിമാസിന്റെ ബാനറില് വിച്ചു ബാലമുരളി, ടോമി. കെ. വര്ഗ്ഗീസ് എന്നിവരാണ് ഈ ചിത്രം നിര്മ്മിക്കുന്നത്. ഒരു ത്രികോണ പ്രണയകഥ പറയുന്ന ഈ ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത് ഗോകുല് സുരേഷും നിരഞ്ജുമാണ്. വര്ഷയാണ് നായിക. കല്യാണം എന്ന സിനിമയില് മുകേഷിന്റെ മകന്റെ നായികയായി അരങ്ങേറിയ നടി കൂടിയാണ് വര്ഷ.
കമ്മിഷണര്, തലസ്ഥാനം, ഏകലവ്യന്, പൈതൃകം, ലേലം തുടങ്ങിയ നിരവധി സിനിമകളില് സുരേഷ് ഗോപിയും മണിയന്പിള്ള രാജുവും ഒരുമിച്ച് അഭിനയിച്ചിട്ടുണ്ട്. പൈതൃകത്തില് ഇരുവരും ചേട്ടനും അനുജനുമായാണ് അഭിനയിച്ചത്. ഷാജികൈലാസും സുരേഷ് ഗോപിയും ഒന്നിച്ച മിക്ക സിനിമകളിലും മണിയന്പിള്ള രാജു ഉണ്ടായിരുന്നു. ഇന്നിപ്പോള് രണ്ട് പേരുടെയും മക്കള് ഒന്നിച്ച് അഭിനയിക്കുമ്പോള് ഇരുവരും വലിയ സന്തോഷത്തിലാണ്. സുരേഷ്ഗോപിയുടെ മകന് ആദ്യമായി അഭിനയിച്ചത് മുത്തുഗൗ എന്ന ചിത്രത്തിലാണ്. മണിയന്പിള്ള രാജുവിന്റെ മകന് അദ്ദേഹം തന്നെ നിര്മിച്ച ബ്ലാക്ക് ബട്ടര്ഫ്ളൈസ് എന്ന സിനിമയിലും. രണ്ട് മക്കളും പിന്നീട് രണ്ടോ മൂന്നോ ചിത്രങ്ങളില് അഭിനയിച്ചെങ്കിലും ശ്രദ്ധിക്കപ്പെട്ടില്ല.
ലാലുഅലക്സ്, രഞ്ജിപ്പണിക്കര്, വിജയരാഘവന്, ഇനിയ, ശാന്തികൃഷ്ണ, സരയു, മിഥുന് രമേഷ്, പത്മരാജ് രതീഷ്, ജേക്കബ് ഗ്രിഗറി, ശ്രീകുമാര്, ഷമ്മിതിലകന്, വിജിലേഷ്, ബെന്നി ഫോട്ടോ മാജിക്, ബാലു. ആര്. നായര് എന്നിവരാണ് സൂത്രക്കാരനിലെ മറ്റ് താരങ്ങള്. വളരെ ലളിതമായ ചടങ്ങില് നിര്മ്മാതാക്കളിലൊരാളായ ടോമി. കെ. വര്ഗ്ഗീസ് ചിത്രത്തിന്റെ സ്വിച്ചോണ് നിര്വ്വഹിച്ചു. ഡോ. ജയപ്രകാശ് ഫസ്റ്റ് ക്ലാപ്പും നല്കി.കഥ, ഗാനരചന, സംഗീത സംവിധാനം വിച്ചു ബാല, മുരളി. തിരക്കഥ അനില്രാജ്. അനില്നായരാണ് ഛായാഗ്രാഹകന്, എഡിറ്റിംഗ് സിയാന് ശ്രീകാന്ത്.
https://www.facebook.com/Malayalivartha