ജിമിക്കി കമ്മല്‍ കാണാന്‍ ഇനി യൂടൂബില്‍ പരതണ്ട കാണില്ല; ഗാനം യുടൂബില്‍ നിന്നും നീക്കം ചെയ്തു
വിദേശ രാജ്യങ്ങളില്‍ വരെ ഹിറ്റായ ഗാനമാണ് വെളിപാടിന്റെ പുസ്തകംത്തിലെ 'ജിമിക്കി കമ്മല്‍' എന്ന ഗാനം. അനില്‍ പനച്ചൂരാന്റെ വരികള്‍ക്ക് ഷാന്‍ റഹ്മാന്‍ ഈണം നല്‍കി വിനീത് ശ്രീനിവാസന്‍, രഞ്ജിത് ഉണ്ണി എന്നിവര്‍ ചേര്‍ന്ന് ആലപിച്ച ഗാനം കൊച്ചു കുഞ്ഞുങ്ങള്‍ മുതല്‍ മുതൃന്നവര്‍വരെ മാത്രമല്ല സ്വദേശികള്‍ മുതല്‍ വിദേശികളുടെ മനസ്സില്‍ വരെ ഇടം നേടിയതാണ്. ഇത്തരത്തില്‍ ഹിറ്റായ ഗാനത്തിന്റെ പല ആവിഷ്‌കാരങ്ങളും സാമൂഹികമാധ്യമങ്ങള്‍ ഹിറ്റായിരുന്നു.
എന്നാല്‍ ഈ ആരാധകരെയൊക്കെ നിരാശപ്പെടുത്തുന്ന വാര്‍ത്തയാണ് പുറത്തുവരുന്നത്. ആരാധകര്‍ ഏറ്റെടുത്ത ഈ വൈറല്‍ ഗാനം ഇപ്പോള്‍ യൂട്യൂബില്‍ നിന്നും അപ്രത്യക്ഷമായിരിക്കുകയാണ്.
അതിനു കാരണമായി അണിയറപ്രവര്‍ത്തകര്‍ പറയുന്നത് ചിത്രത്തിന്റെ കോപ്പിറൈറ്റ് ഒരു സ്വകാര്യ ടെലിവിഷന്‍ ചാനലിനാണ് നല്‍കിയത്. എന്നാല്‍ ഗാനം യൂട്യൂബില്‍ അപ്ലോഡ് ചെയ്തത് മറ്റൊരു സ്വകാര്യ കമ്പനിയും. ഇവര്‍ക്കെതിരെ ചാനല്‍ നല്‍കിയ പരാതിയുടെ അടിസ്ഥാനത്തിലാണ് നടപടി എന്നാണ്.
https://www.facebook.com/Malayalivartha
