കൊച്ചിയിൽ നടി ആക്രമിക്കപ്പെട്ട കേസിൽ കുറ്റാരോപിതനായ ദിലീപിനെ താരസംഘടനയായ അമ്മയിലേക്ക് തിരികെ എടുത്തതുമായി ബന്ധപ്പെട്ട വിവാദങ്ങൾ അവസാനിക്കുന്നില്ല. ദിലീപിനെ സംഘടനയിലേക്ക് തിരികെ എടുക്കണമെന്ന് ആദ്യം ആവശ്യപ്പെട്ടത് നടി ഊർമിള ഉണ്ണി ആയിരുന്നു. തുടർന്ന് മാധ്യമങ്ങളുടെ മുന്നിൽ ചോദിക്കുന്ന ചോദ്യത്തിന് ഉത്തരം പറയാതെ താരം പൊട്ടൻകളിക്കുകയും ചെയ്തു.

എന്നാൽ താരത്തിനോടുള്ള രോഷം മറ്റുള്ളവർ തീർത്തത് ഫേസ്ബുക് അകൗണ്ടിലൂടെയായിരുന്നു. ഒടുവിൽ പൊറുതിമുട്ടി അവർ ഫേസ്ബുക് ഡിആക്ടിവേറ്റ് ചെയ്ത് രക്ഷപെട്ടപ്പോൾ ആക്രമണം മകൾ ഉത്തര ഉണ്ണിയുടെ ഫേസ്ബുക്ക് അകൗണ്ടിലൂടെ ആയി.

നടി ആക്രമിക്കപ്പെട്ട കേസിൽ , ഒരു സ്ത്രീ ആയിരുന്നിട്ടും ഊർമിള ഉണ്ണി കുറ്റാരോപിതന്റെ ഭാഗത്തു നിന്ന് ന്യായീകരണം നടത്തിയപ്പോൾ വളരെയധികം വിമർശനങ്ങൾ ഏറ്റുവാങ്ങേണ്ടി വന്നു. ഊര്മിളയുടെ ഫേസ്ബുക്കിനെ ഉന്നം വച്ചായിരുന്നു സോഷ്യൽ മീഡിയയുടെ ആദ്യ ആക്രമണം. കമ്മന്റ് ബോക്സിൽ കടുത്ത രീതിയിലുള്ള കമന്റുകളാണ് ചിലർ നടത്തിയിരുന്നത്. വിമർശനങ്ങൾ കടുത്തതോടെയാണ് നടി ഫേസ്ബുക് പൂട്ടി പോയത്.