44 കോടി ബഡ്ജറ്റിൽ എത്തിയ ബിഗ് ബോസിന് ചുവടുകൾ പിഴയ്ക്കുന്നു; ഏഷ്യാനെറ്റില് സംപ്രേക്ഷണം ചെയ്യുന്ന സീരിയലുകളുടെ ഏഴ് അയലത്ത് പോലും എത്താനാകാതെ ബിഗ് ബോസ് റേറ്റിംഗ് താഴെ!!
ജൂണ് 24 നായിരുന്നു മോഹന്ലാല് അവതാരകനായി എത്തിയ ബിഗ് ബോസ് മലയാളം ആരംഭിച്ചത്. പതിനാറ് മത്സരാര്ത്ഥികളുമായി ആരംഭിച്ച ബിഗ് ബോസില് നിലവില് പതിനാല് പേരാണുള്ളത്. ഓരോ ആഴ്ചയും ഓരോ ക്യാപ്റ്റന്മാരാണ് ബിഗ് ബോസിനെ നയിക്കുന്നത്. പക്ഷെ മോഹന്ലാല് അവതാരകനായി എത്തിയ ബിഗ് ബോസിന് പ്രതീക്ഷിച്ച ഓളമുണ്ടാക്കാന് കഴിഞ്ഞില്ലെന്നാണ് ഇപ്പോഴത്തെ റിപ്പോര്ട്ടുകൾ.
ആദ്യ ആഴ്ചയില് ഷോയ്ക്ക് ആദ്യ അഞ്ച് സ്ഥാനങ്ങളില് ഇടം നേടാനായില്ല. ടെലിവിഷന് പരിപാടികളുടെ റേറ്റിംഗ് അളക്കുന്ന ദേശീയ ഏജന്സിയാണ് ബാര്ക്. ഏഷ്യാനെറ്റിലെ സീരിയലുകളാണ് അഞ്ച് സ്ഥാനത്തുള്ളത്. 44 കോടി മുടക്കിയ ബിഗ്ബോസിന് പ്രതീക്ഷിച്ച റേറ്റിംഗ് ഉണ്ടാക്കാനായില്ലെന്നാണ് റിപ്പോര്ട്ട്. കുടുംബ പ്രേക്ഷകര്ക്ക് അതൃപ്തിയുള്ളതും ഫുട്ബോള് ലോകകപ്പ് നടക്കുന്നതും ഒരു കാരണമായി.
ആറ് മണി മുതല് 11 മണി വരെയുള്ള പ്രൈം ടൈം സ്ലോട്ടിലെ ബാര്ക് റേറ്റിംഗാണിത്. കസ്തൂരിമാന്, നീലക്കുയില്, വാനമ്പാടി, കറുത്ത മുത്ത്, ഭാര്യ തുടങ്ങിയ സീരിയലുകളാണ് ആദ്യ അഞ്ച് സ്ഥാനങ്ങളിലുള്ളത്. കസ്തൂരിമാനാണ് റേറ്റിംഗില് മുന്നില്. 44 കോടി രൂപ മുതല് മുടക്കില് നിര്മ്മിക്കുന്ന ഷോയായ ബിഗ് ബോസ് പരസ്യങ്ങള്ക്കും വന് തുകയാണ് കൈപ്പറ്റുന്നത്. ഇതിനിടെയാണ് പുതിയ റിപ്പോര്ട്ട് പുറത്തുവന്നിരിക്കുന്നത്.
അവതാരകനായ മോഹന്ലാലും വന്തുകയാണ് പ്രതിഫലമായി കൈപ്പറ്റുന്നത്. 12 കോടി രൂപയാണ് ഷോയ്ക്കായി മോഹന്ലാലിന് ലഭിക്കുന്നതെന്നാണ് റിപ്പോര്ട്ടുകള്. 'ബിഗ് ബോസ്' ഹൗസ് എന്ന് വിളിക്കപ്പെടുന്ന ഒരു വീട്ടില് 100 ദിവസം പുറംലോകവുമായി യാതൊരു ബന്ധവുമില്ലാതെ 16 പേര് താമസിക്കുന്നതാണ് മത്സരം.
ബിഗ് ബോസ് ഹൗസിന് ചുറ്റും അറുപത് റോബോട്ടിക് ക്യാമറകളുടെ നീരിക്ഷണത്തിലാണ് മത്സരാര്ത്ഥികള് ഉള്ളത്. എല്ലാ ദിവസവും രസകരമായ ടാസ്കുകള് ഉണ്ടെന്നുള്ളതാണ് ബിഗ് ബോസിന്റെ പ്രത്യേകത. മറ്റുള്ളവരെ പറ്റിച്ച് കൊണ്ടുള്ള രഹസ്യ ടാസ്കുകളും ബിഗ് ബോസ് കൊടുക്കാറുണ്ട്.
ബിഗ് ബോസിന് വേണ്ടി കാത്തിരുന്നെങ്കിലും റേറ്റിംഗിന് പിന്നോട്ട് പോവാന് കാരണങ്ങള് നിരവധിയാണ്. മലയാളി ഹൗസുമായി ഏറെ അടുത്ത് കിടക്കുന്നതിനാല് ആ പരിപാടി കണ്ടപ്പോള് ഉണ്ടായ ദുരനുഭവം പലര്ക്കും ഓര്മ്മ വന്നു. ബിഗ് ബോസ് കുടുംബ പ്രേക്ഷകര്ക്ക് ഒന്നിച്ചിരുന്ന് കാണാന് കൊള്ളില്ലെന്നും സോഷ്യല് മീഡിയയില് പ്രചരണം നടക്കുകയാണ്. അതിനൊപ്പം ലോകകപ്പ് ഫുട്ബോള് നടക്കുന്ന സമയം ആയതിനാല് പലരും അതിന് പിന്നാലെയാണ്. അതും ബിഗ് ബോസിന് കനത്ത തിരിച്ചടിയായിരിക്കുകയാണ്.
വീഡിയോ കാണാം....
https://www.facebook.com/Malayalivartha