ഡബ്ലുസിസി,എഎംഎംഎ വിവാദം കൊടുമ്പിരി കൊള്ളുമ്പോൾ ക്യാനഡയിൽ അടിച്ച് പൊളിച്ച് മഞ്ജു വാര്യർ; ചിത്രങ്ങൾ പങ്കുവച്ച് നവ്യ
ഡബ്ലുസിസി അമ്മ വിവാദം കൊടുമ്ബിരിക്കൊള്ളുന്നതിനിടയിൽ നാഫാ അവാര്ഡ് വിതരണത്തില് പങ്കെടുക്കാൻ മഞ്ജു വാര്യരും സംഘവും കാനഡയിൽ.ദിലീപിനെ അമ്മയിലേക്ക് തിരിച്ചെടുക്കാനുള്ള തീരുമാനവുമായി ബന്ധപ്പെട്ടുണ്ടായ വിവാദങ്ങള് ഇനിയും കെട്ടടങ്ങിയിട്ടില്ല. സിനിമയിലെ വനിതാസംഘടനയായ ഡബ്ല്യുസിസിയും 100 സിനിമാപ്രവര്ത്തകരുടെ കൂട്ടായ്മയുമൊക്കെ വിഷയത്തില് ശക്തമായി പ്രതികരിച്ചപ്പോള് സോഷ്യല് മീഡിയയിലടക്കം ഉയര്ന്ന ചോദ്യം മഞ്ജു വാര്യര് എവിടെയെന്നായിരുന്നു.
ഡബ്ല്യുസിസി ഉയര്ത്തിയ എതിര്പ്പില് മഞ്ജുവിന് അഭിപ്രായവ്യത്യാസമുണ്ടെന്നും അവര് സംഘടനയില് നിന്ന് രാജി വച്ചെന്നുമൊക്കെ പിന്നാലെ വാര്ത്തകള് പരന്നു. എന്നാല് അതൊക്കെ ഊഹാപോഹങ്ങള് മാത്രമാണെന്ന് ഡബ്ല്യുസിസി നേതാക്കള് പ്രതികരിച്ചു.
പതിവ് പോലെ തന്നെ എല്ലാത്തിനെക്കുറിച്ച് അറിഞ്ഞിട്ടും ന്യായീകരിക്കാനോ പ്രതികരിക്കാനോ മഞ്ജു മെനക്കെട്ടിരുന്നില്ല. ദുല്ഖര് സല്മാന്, ടൊവിനോ തോമസ്, കാളിദാസ് ജയറാം, അലന്സിയര്, രമേഷ് പിഷാരടി, നവ്യ നായര്, പാര്വതി, അനുശ്രീ, റിമ കല്ലിങ്കല്, രചന നാരായണന്കുട്ടി, വിജയ് യേശുദാസ്, ഗോപിസുന്ദര്, നീരജ് മാധവ്, പൂര്ണ്ണിമ ഇന്ദ്രജിത്ത്, സിതാരാ കൃഷ്ണകുമാര് തുടങ്ങി വന്താരനിരയാണ് ഇത്തവണത്തെ നാഫാ അവാര്ഡ് വിതരണ ചടങ്ങില് പങ്കെടുക്കാനെത്തിയത്.
എയര്പോര്ട്ടില് നിന്നുള്ള ചിത്രങ്ങള് മുതല് വേദിയിലെ പ്രകടനവും മറ്റ് ഔട്ടിങ്ങിനിടയിലുമൊക്കെയുള്ള ചിത്രങ്ങള് സോഷ്യല് മീഡിയയിലൂടെ പ്രചരിച്ചിരുന്നു. സിനിമയില് സജീവമല്ലെങ്കിലും നൃത്ത പരിപാടികളിലൂടെ സാന്നിധ്യം അറിയിക്കുന്ന നവ്യ നായരും പരിപാടിയില് പങ്കെടുത്തിരുന്നു.
https://www.facebook.com/Malayalivartha