സംവിധയകന്‍ മോശമായി പെരുമാറുകയും മാനസികമായി പീഡിപ്പിക്കുകയും ചെയ്​തെന്ന സീരിയല്‍ നടി നിഷ സാരംഗിന്റെ വെളിപ്പെടുത്തലി​​ന്റെ പശ്ചാത്തലത്തില്‍ 'ഉപ്പും മുളകും' സീരിയലി​​ന്റെ സംവിധായകനെ മാറ്റിയേക്കും. ചലച്ചിത്ര നടിയും മാധ്യമപ്രവര്‍ത്തകയുമായ മാല പാര്‍വ്വതി ഇക്കാര്യം ത​​ന്റെ ഫേസ്​ബുക്കിലൂടെ പങ്കുവെച്ചു. നടിക്ക്​ അനുകൂലമായ തീരുമാനമെടുത്ത ചാനലിനേയും അണിയറപ്രവര്‍ത്തകരേയും അഭിനന്ദിച്ചുകൊണ്ട്​ മറ്റൊരു പോസ്​റ്റും മാല പാര്‍വ്വതി ഫേസ്​ബുക്കിലിട്ടിട്ടുണ്ട്​.

സീരിയലില്‍ നിഷ തുടരണമെന്നും സംവിധായകനെ മാറ്റണമെന്നുമുള്ള ആവശ്യവുമായി സമൂഹ മാധ്യമങ്ങളിലൂടെ പ്രേക്ഷകര്‍ രംഗത്തെത്തിയിരുന്നു. സിനിമയിലെ വനിതാകൂട്ടായ്​മയായ ഡബ്ല്യു.സി.സിയും നിഷക്ക്​ പിന്തുണയുമായി രംഗ​​ത്തെത്തി. സീരിയല്‍ നടിയുടെ പരാതി അന്വേഷിക്കുമെന്നും മാധ്യമ സ്​ഥാപനത്തില്‍ സ്​ത്രീകളുടെ പരാതി കൈകാര്യം ചെയ്യാന്‍ പ്രത്യേക സമിതിയുണ്ടോയെന്ന കാര്യം പരിശോധിക്കുമെന്നും വനിതാ കമീഷന്‍ അധ്യക്ഷ എം.സി ജോസഫൈന്‍ ഉറപ്പു നല്‍കിയിരുന്നു.

തന്നെ ശല്ല്യം ചെയ്യുന്ന സംവിധായകന്‍ തുടരുന്ന കാലത്തോളം അദ്ദേഹത്തി​​ന്റെ സീരിയലില്‍ തുടരാന്‍ ആഗ്രഹിക്കുന്നില്ലെന്ന്​ നടി വ്യക്തമാക്കിയിരുന്നു.