ഞാൻ വിജയിക്കുകയാണെങ്കിൽ അവർ എന്റെ മെരുങ്ങാത്ത ദൃഢനിശ്ചയങ്ങളെക്കുറിച്ച് നല്ലത് സംസാരിക്കും ; ഞാൻ പരാജയപ്പെട്ടെങ്കില് അവർ എന്റേത് മണ്ടത്തരമെന്ന് കുറ്റപ്പെടുത്തും ; യാത്രയുടെ ടീസറിന് വൻ വരവേൽപ്പ്
ഇന്ത്യ കണ്ട എക്കാലത്തെയും ജനകീയ നേതാക്കളിലൊരാളായ ആന്ധ്രയുടെ വൈഎസ്ആറിന്റെ ജീവിതം പ്രമേയമാക്കി മമ്മൂട്ടി അഭിനയിക്കുന്ന 'യാത്ര' യുടെ ടീസറിന് വൻ വരവേല്പ്. ചിത്രത്തില് മുന് ആന്ധ്ര മുഖ്യമന്ത്രിയും കോണ്ഗ്രസ് നേതാവുമായ വൈഎസ് രാജശേഖറ റെഡ്ഢിയായി ആണ് മമ്മൂട്ടി എത്തുന്നത്. മമ്മൂട്ടിയുടെ ടീസറിലെ പ്രകടനത്തിന് ഇന്ത്യന് സിനിമാലോകവും തെലുങ്ക് രാഷ്ട്രീയ ലോകവും ഒപ്പം പ്രേക്ഷകരും കയ്യടിക്കുകയാണ്. വൈഎസ്ആറിന്റെ ജന്മദിനത്തില് പുറത്തിറങ്ങിയ ടീസര് നിമിഷങ്ങള്ക്കകം തന്നെ ഹിറ്റായി.
വൈഎസ്ആര് എന്ന ജനകീയ നേതാവ് ആന്ധ്രയുടെ ഒരറ്റത്തുനിന്ന് മറ്റേയറ്റത്തേക്ക് 1475 കിലോമീറ്റര് നടത്തിയ ഐതിഹാസിക പദയാത്രയാണ് യാത്ര എന്നുപേരിട്ട ജീവചരിത്ര സിനിമക്ക് പ്രമേയം. വിഭജനത്തിന് മുന്പുള്ള ആന്ധ്രയില് രണ്ടുവട്ടം മുഖ്യമന്ത്രിയായിരുന്നു വൈഎസ് രാജശേഖര റെഡ്ഢി. 2003ല് നടത്തിയ യാത്രയ്ക്ക് പിന്നാലെ അദ്ദേഹം 2014ല് അധികാരത്തിലെത്തി.
കൂടുതൽ അറിയാൻ വീഡിയോ കാണൂ...
https://www.facebook.com/Malayalivartha