'മംമ്ത മോഹൻദാസ്' നായികയായി എത്തുന്ന ഹൊറർ ചിത്രം 'നീലി' യുടെ മോഷൻ പോസ്റ്റർ പുറത്തു വിട്ടു. കഴിഞ്ഞ ദിവസം നടൻ പൃഥ്വിരാജ് ആണ് ചിത്രത്തിന്റെ മോഷൻ പോസ്റ്റർ പുറത്തിറക്കിയത്. നവാഗതനായ അല്‍ത്താഫ് റഹ്മാന്‍ സംവിധാനം ചെയ്യുന്ന ചിത്രത്തിൽ അനൂപ് മേനോനും പ്രധാന വേഷത്തിലെത്തുന്നു.

അനൂപ് മേനോന്‍ ചിത്രത്തില്‍ ഒരു പാരാ നോര്‍മല്‍ ഗവേഷകന്‍റെ കഥാപാത്രമായാണ് എത്തുന്നത്. ബാബുരാജ്, ശ്രീകുമാര്‍ മറിമായം തുടങ്ങിയവരും ചിത്രത്തിലുണ്ട്. ചിത്രത്തില്‍ മമ്ത ഒരു സ്പീച്ച്‌ തെറാപ്പിസ്റ്റായാണ് എത്തുന്നത്. ആറോ ഏഴോ വയസുള്ള ഒരു മകളുമുള്ള വിധവയാണ് ഈ കഥാപാത്രം. മമ്തയുടെ കഥാപാത്രത്തെ ചുറ്റിപ്പറ്റിയാണ് ചിത്രം പ്രധാനമായും മുന്നേറുന്നത്. ഡോ. സുന്ദര്‍ മേനോനാണ് ചിത്രം നിര്‍മ്മിക്കുന്നത്. റിയാസ് മാറാത്ത് ആണ് ചിത്രത്തിനായി തിരക്കഥ ഒരുക്കുന്നത്.

വീഡിയോ കാണാം....