ദിലീപുമായി യാതൊരുവിധ ഒത്തുതീര്പ്പിനും മഞ്ജുവാര്യര് തയ്യാറല്ല, അമ്മയുമായി അഭിപ്രായവ്യത്യാസമില്ല, വിമന് ഇന് കളക്ടീവുമായി അകന്നു
മഞ്ജുവാര്യര് ദിലീപുമായി ഒത്തുതീര്പ്പിലെത്തിയെന്ന സലിംഇന്ത്യയുടെ വെളിപ്പെടുത്തല് ശരിയല്ലെന്ന്. മഞ്ജുവുമായി അടുത്ത വൃത്തങ്ങളാണ് മലയാളി വാര്ത്തയോട് ഇക്കാര്യം വ്യക്തമാക്കിയത്. വിവാഹബന്ധം വേര്പെടുത്തിയ ശേഷം മഞ്ജുവിനെ മാസികമായി ദിലീപും മറ്റ് ചിലരുമാണ് ഏറ്റവും കൂടുതല് പീഡിപ്പിച്ചത്. മഞ്ജുവിന്റെ സിനിമാ പ്രവേശനത്തിന് പോലും ദിലീപ് തടയിട്ടു. രഞ്ജിത്തിന്റെ സിനിമയിലൂടെ രണ്ടാംവരവിന് മഞ്ജു ലക്ഷ്യം വച്ചിരുന്നു. എന്നാല് ദിലീപ് രഞ്ജിത്തിനെ വിളിച്ച് തന്റെ ഭാര്യയെ നായികയാക്കരുതെന്ന് അഭ്യര്ത്ഥിച്ചു. ദിലീപുമായി അകന്ന് മഞ്ജു തൃശൂരിലെ വീട്ടില് കഴിയുമ്പോഴായിരുന്നു ഇത്. അങ്ങനെ രഞ്ജിത് ആ പ്രോജക്ട് തന്നെ ഒഴിവാക്കി. പിന്നീട് സത്യന് അന്തിക്കാടിന്റെ എന്നും എപ്പോഴും എന്ന സിനിമയില് നിന്ന് ഒഴിവാക്കാന് ശ്രമിച്ചെങ്കിലും മോഹന്ലാല് വഴങ്ങിയില്ല.
ചില സംവിധായകര് മഞ്ജുവാര്യരെ മമ്മൂട്ടിയുടെ നായികയാക്കാന് ശ്രമിച്ചെങ്കിലും ദിലീപുമായുള്ള അടുപ്പം കാരണം അദ്ദേഹം അതിന് സമ്മതിച്ചില്ല. ഇതിനെയെല്ലാം സ്വന്തം കഴിവിലൂടെ മഞ്ജു അതിജീവിച്ചു. അതിനാല് ദിലീപുമായി ഒരു തരത്തിലുമുള്ള ഒത്തുതീര്പ്പിനും മഞ്ജുവാര്യര് തയ്യാറായില്ല. അമ്മയുമായി ഒത്തുതീര്പ്പിലെത്തുകയും ചെയ്തു. മോഹന്ലാലിന്റെ ഇടപെടലാണ് ഇതിന് വഴിയൊരുക്കിയത്. പലരും മഞ്ജുവിനെ നായികയാക്കാന് തയ്യാറാകാതിരുന്നപ്പോള് മോഹന്ലാല് അതിന് തയ്യാറായി. രണ്ടാം വരവില് മോഹന്ലാലിന്റെ നായികയായി മൂന്ന് സിനിമകളിലാണ് മഞ്ജു അഭിനയിച്ചത്. രണ്ടാമൂഴത്തിലും മഞ്ജുവാണ് നായിക. അതിനാല് സംഘടനയിലെ എല്ലാ പ്രശ്നങ്ങളും പരിഹരിക്കാമെന്ന് മോഹന്ലാല് മഞ്ജുവിന് ഉറപ്പ് നല്കിയിട്ടുണ്ട്. അതാണ് അമ്മയ്ക്കെതിരെ പരസ്യപ്രതികരണത്തിന് മഞ്ജു തയ്യാറാകാത്തത്.
അതേസമയം വിമന് ഇന് കളക്ടീവ് സിനിമയുമായി മഞ്ജു അകന്നു. സംഘടനയിലെ തന്റെ സുഹൃത്തുക്കളുമായി യാതൊരു പ്രശ്നവുമില്ല. തന്റെ സുഹൃത്ത് കൂടിയായ നടി ആക്രമിക്കപ്പെട്ട കേസ് കോടതിയുടെ പരിഗണനയിലാണ്. അതിനാല് കോടതി വിധി വരട്ടെ എന്ന നിലപാടാണ് താരം സ്വീകരിച്ചിരിക്കുന്നത്. സിനിമയില് സജീവമായി നില്ക്കുന്ന മഞ്ജുവിന് വിമന് ഇന് കളക്ടീവിന്റെ ചില നിലപാടുകളോട് വിയോജിപ്പുണ്ട്. പ്രത്യേകിച്ച് മമ്മൂട്ടിയെ രൂക്ഷമായി വിമര്ശിക്കുന്ന ലേഖനം സംഘടനയുടെ ഫെയിസ്ബുക്കില് ഷെയര് ചെയ്തതും മറ്റും. മോഹന്ലാല് ഉള്പ്പെടെയുള്ളവരുടെ സ്നേഹപൂര്വമായ ആവശ്യത്തിന് വഴങ്ങിയാണ് അമ്മയുടെ ഷോയില് നിന്ന് മഞ്ജു വിട്ട് നിന്നതും.
https://www.facebook.com/Malayalivartha