ഇനി വീട്ടില് പോയി സുഖമായി കട്ടിലും കെട്ടിപ്പിടിച്ചിരുന്ന് ഉറങ്ങാലോ...ഇനി മുതല് നീ ‘കട്ടില് ദീപനാ’യി അറിയപ്പെടും!! ദീപനെ കളിയാക്കി സോഷ്യല് മീഡിയ
16 മത്സരാര്ത്ഥികളുമായിത്തുടങ്ങിയ ബിഗ് ബോസ് പരിപാടി ഇപ്പോള് അടുത്ത ലെവലിലേക്ക് കടന്നിരിക്കുകയാണ്. വാശിയേറിയ പോരാട്ടത്തില് കാലിടറുന്നവര്ക്ക് പുറത്തേക്കുള്ള വഴിയും ബിഗ് ബോസ് തുറന്നുനല്കുന്നുണ്ട്. ശ്രീലക്ഷ്മി പുറത്തായതിന് പിന്നാലെ ബിഗ്ബോസില് നിന്ന് ദീപനെയും പുറത്താക്കി.
ഈ വീട്ടില് എല്ലാവരേയും സ്നേഹിക്കുകയും മറ്റൊരാള്ക്ക് സ്നേഹം കൊടുക്കാന് എന്ത് ചെയ്യണമെന്നും ദീപന് അവസാനമായി ബിഗ് ബോസ് മത്സരാര്ത്ഥികളോട് പറഞ്ഞു. അര്ച്ചന കരഞ്ഞുകൊണ്ടാണ് ദീപന് പുറത്തുപോയ വിവരം കേട്ടത്.
പുറത്തിറങ്ങിയ ദീപന്, അവസാന ആഴ്ച്ചകളില് ആരോഗ്യ പ്രശ്നങ്ങള് അലട്ടിയിരുന്നതായും അതായിരിക്കാം പുറത്താകാനുള്ള കാരണമെന്നും പറഞ്ഞു. ബിഗ്ബോസില് അഭിനയിച്ചിട്ടില്ല. ഇത് സ്ക്രിപ്റ്റല്ല. പതിനാറ് പേരുടെയും ജീവിതവും വ്യക്തിത്വവുമാണ് കാണുന്നത്. ബോധപൂര്വം പെരുമാറുന്നവരും ഉണ്ടെന്ന് ദീപന് പറഞ്ഞു.
ദീപനെ പുറത്താക്കിയത് കട്ടിലിലെ കിടത്തം തന്നെയാണെന്ന് സോഷ്യല്മീഡിയ ഉറപ്പിക്കുകയാണ്. ദീപന് പോയതില് ബിഗ്ബോസില് ഏറ്റവും കൂടുതല് വിഷമിക്കുന്നത് ദീപന്റെ കട്ടില് തന്നെയാണ് ചിലര് പറഞ്ഞു. മിക്ക സമയങ്ങളിലും ഉറക്കം തൂങ്ങിയാണ്. അല്ലെങ്കില് അര്ച്ചനയുടെ വാലില് തൂങ്ങും. ഡിസ്ക് കംപ്ലൈന്റ് പറഞ്ഞ് വെറുതെ കിടന്നതു കൊണ്ടാണ് ഇപ്പോള് വീട്ടില് പോയി കിടക്കേണ്ടി വന്നതെന്ന് ആളുകള് ഓര്മിപ്പിച്ചു. ഇനി മുതല് കട്ടില് ദീപനായി അറിയപ്പെടുമെന്നും ആളുകള് പറഞ്ഞു.
https://www.facebook.com/Malayalivartha
