മുടക്ക് മുതലിന്റെ പകുതി പോലും തിരികെ കിട്ടാത്തതിനെ തുടര്ന്ന് പൃഥ്വിരാജിന്റെ മൈസ്റ്റോറി വീണ്ടും റിലീസ് ചെയ്യുന്നു
പൃഥ്വിരാജും പാര്വതിയും ജോഡികായി മൈസ്റ്റോറി വീണ്ടും തിയേറ്ററുകളിലെത്തുന്നു. ഓണത്തിന് ചിത്രം റീ റിലീസ് ചെയ്യാനാണ് സംവിധായികയും നിര്മാതാവുമായ റോഷ്നി ദിനകര് ആലോചിക്കുന്നത്. ഓണത്തിന് പൃഥ്വിരാജിന് സിനിമയുമില്ല. മൈസ്റ്റോറിയും തൊട്ട് പിന്നാലെ കൂടെയും റിലീസ് ചെയ്തത് രണ്ട് ചിത്രങ്ങളുടെയും കളക്ഷനെ ബാധിച്ചെന്നാണ് വിലയിരുത്തല്. ഈ സിനിമകള് അടുത്തടുത്ത് റിലീസ് ചെയ്യരുതെന്ന് പൃഥ്വിരാജ് നിര്മാതാക്കളോട് അഭ്യര്ത്ഥിച്ചിരുന്നു. എന്നാല് ഇരുകൂട്ടരും വഴങ്ങിയില്ല. 20 കോടി മുടക്കിയ മൈസ്റ്റോറി അടുത്തകാലത്ത് ഇറങ്ങിയ പൃഥ്വിരാജ് ചിത്രങ്ങളില് ഏറ്റവും വലിയ പരാജയമായിരുന്നു. പാര്വതി മമ്മൂട്ടി കസബയില് ചെയ്ത കഥാപാത്രത്തിന്റെ ഡയലോഗിനെതിരെ രംഗത്ത് വന്നതാണ് മൈസ്റ്റോറിക്ക് വിനയായത്.
മൈസ്റ്റോറിയില് പാര്വതി വരുന്ന സീനുകളിലെല്ലാം തിയേറ്ററില് കൂ കൂ വിളിയായിരുന്നു. പാര്വതി ചിത്രങ്ങള് യാതൊരു കാരണവശാലും വിജയിപ്പിക്കില്ലെന്ന വാശിയിലാണ് മമ്മൂട്ടിയുടെ ആരാധകര്. കൂടെയ്ക്ക് കൂ കൂ വിളിയുണ്ടായിരുന്നു എങ്കിലും ചിത്രത്തിന് മികച്ച ഇനീഷ്യല് കളക്ഷന് ലഭിച്ചു. മൈസ്റ്റോറിയുടെ പ്രമോഷന് പൃഥ്വിരാജും പാര്വതിയും സഹകരിച്ചില്ലെന്ന് സംവിധായിക ആരോപിച്ചിരുന്നു. ചിത്രീകരണത്തിനിടെ സംവിധായികയും പൃഥ്വിരാജും തമ്മിലുണ്ടായ തര്ക്കമാണ് ഇതിന് കാരണമെന്നറിയുന്നു. പോര്ച്ചുഗലിലെ ഷൂട്ടിംഗിനിടെ പൃഥ്വിരാജ് സംവിധായികയുടെ ജോലിയില് ഇടപെട്ടു. അതോടെ സംവിധായികയും ഭര്ത്താവും (നിര്മാതാക്കളില് ഒരാള്) പൃഥ്വിരാജുമായി അഭിപ്രായഭിന്നതയായി. അത് ഷൂട്ടിംഗിനെ ബാധിച്ചു. പറഞ്ഞ സമയത്ത് ചിത്രം തീര്ന്നില്ല.
നാട്ടിലെത്തിയ പൃഥ്വിരാജ് മറ്റ് സിനിമകളില് അഭിനയിച്ചു തുടങ്ങി. ഇതോടെ സംവിധായിക പരാതി നല്കി. തുടര്ന്നാണ് മൈസ്റ്റോറി പൂര്ത്തിയാക്കിയത്. രണ്ടാം ഷെഡ്യൂള് മൈസൂരിലാണ് നടന്നത്. സംവിധായികയും നായകനും പരസ്പരം സംസാരിക്കാറില്ലായിരുന്നു. ക്യാമറാമാനാണ് കാര്യങ്ങള് നിയന്ത്രിച്ചിരുന്നത്. 10 കോടിക്ക് പ്ലാന് ചെയ്ത സിനിമ നായകന്റെ പിടിവാശി കാരണമാണ് ഈ സ്ഥിതിയിലായെന്ന് അണിയറപ്രവര്ത്തകരില് ചിലര് ആരോപിക്കുന്നു. മുതല് മുടക്കിന്റെ പകുതിപോലും നിര്മാതാവിന് തിരികെ ലഭിച്ചിട്ടില്ല. അതിനാലാണ് റീ റിലീസിന് തയ്യാറാകുന്നത്. മുമ്പ് മമ്മൂട്ടിയുടെ പാലേരി മാണിക്യം ഒരു പാതിരാ കൊലപാതകത്തിന്റെ കഥ ഇതേ പോലെ റീ റിലീസ് ചെയ്തിരുന്നു. പുലിമുരുകന് ത്രിഡി ആയി റീ റിലീസ് ചെയ്തിരുന്നു.
ഓണത്തിന് മോഹന്ലാലിന്റെ ഡ്രാമ, മമ്മൂട്ടിയുടെ കുട്ടനാടന് ബ്ളോഗ്, മംമ്തയുടെ നീലി തുടങ്ങിയ നിരവധി ചിത്രങ്ങള് റിലീസാവാനുണ്ട്. അതിനൊപ്പം മൈസ്റ്റോറിക്ക് തിയേറ്റര് കിട്ടുമോ എന്നും സംശയമുണ്ട്.
https://www.facebook.com/Malayalivartha
