അമ്മയിലെ രാജിക്ക് ശേഷം ചിലര്‍ അടിച്ചമര്‍ത്തുന്നു, അവസരങ്ങള്‍ ഓരോന്നും ഇല്ലാതാക്കാൻ ശ്രമിക്കുന്നുവെന്ന് രമ്യാ നമ്ബീശന്‍
താരസംഘടന അമ്മയില്‍ നിന്നും രാജിവെച്ച ശേഷം ചിലര്‍ തന്നെ അടിച്ചമര്‍ത്താന്‍ ശ്രമിക്കുന്നുണ്ടെന്ന് നടി രമ്യാ നമ്ബീശന്‍.സിനിമയിലെ തന്റെ അവസരങ്ങള്‍ ഓരോന്നും ഇല്ലാതാക്കാനും ചിലര്‍ ശ്രമിക്കുന്നുണ്ടെന്നും രമ്യാ നമ്ബീശന്‍ ആരോപിച്ചു.സിനിമാ മേഖലയില്‍ തങ്ങള്‍ക്ക് ചില പ്രശ്നങ്ങള്‍ നേരിടുന്നുണ്ടെന്നും, അത് പരിഹരിക്കണമെന്നും, തങ്ങള്‍ക്ക് പ്രശ്നങ്ങളുണ്ടെന്ന് ഓരോ വേദിയിലും പറയേണ്ട ഗതികേടാണെന്നും രമ്യാ നമ്ബീശന്‍ പറഞ്ഞു.
മാത്രമല്ല, സിനിമയിലെ വനിതാക്കൂട്ടായ്മയായ ഡബ്ല്യൂസിസി പുരുഷന്മാര്‍ക്ക് എതിരായ സംഘടനയല്ലെന്നും, ഡബ്ല്യൂസിസി ആര്‍ക്കും എതിരെയുള്ള സംഘടനയാവരുതെന്ന് ആഗ്രഹിച്ചിരുന്നെന്നും, എന്നാല്‍ അനുകൂലമായ നിലപാടല്ല പലരില്‍ നിന്നുമുണ്ടായതെന്നും, നിരുത്തരവാദപരമായ സമീപനം ഉണ്ടായപ്പോഴാണ് അമ്മയില്‍ നിന്ന് രാജിവച്ചതെന്നും രമ്യ ചൂണ്ടിക്കാട്ടി.
നടി ആക്രമിക്കപ്പെട്ട കേസില്‍ കുറ്റാരോപിതനായ നടന്‍ ദിലീപിനെ അമ്മ സംഘടനയില്‍ തിരിച്ചെടുത്തതില്‍ പ്രതിഷേധിച്ചായിരുന്നു രമ്യ നമ്ബീശന്‍ ഉള്‍പ്പെടെ നാല് നടിമാര്‍ അമ്മയില്‍ നിന്ന് രാജി വെച്ചത്.നടിമാരായ ഭാവന, റിമ കല്ലിങ്കല്‍, ഗീതു മോഹന്‍ദാസ് എന്നിവരാണ് സംഘടന വിട്ട മറ്റു മൂന്ന് നടിമാര്‍.
https://www.facebook.com/Malayalivartha
