തന്റേടത്തോടെ കാര്യങ്ങള്‍ തുറന്നുപഞ്ഞ് ടോവിനോ. നടിയെ ആക്രമിച്ച് കേസുമായി ബന്ധപ്പെട്ട് താരസംഘടനയായ 'അമ്മ'യില്‍ നടന്ന സംഭവവികാസങ്ങള്‍ ഒഴിവാക്കേണ്ടതായിരുന്നുവെന്ന് നടന്‍ ടൊവിനോ തോമസ്. കേസിലെ പ്രതി ദിലീപിനെ അമ്മയില്‍ നിന്ന് പുറത്താക്കിയതും തിരിച്ചെടുത്തതും നടിമാരുടെ രാജിയും ഒഴിവാക്കേണ്ടതായിരുന്നുെവന്ന് ടൊവിനോ പറഞ്ഞു. ചിന്തിച്ച് തീരുമാനമെടുക്കേണ്ട കാര്യങ്ങളാണ് നടന്നതെന്നും ടൊവീനോ പറഞ്ഞു. 

നടിയെ ആക്രമിച്ച കേസ് ഒരു സംഘടനാ പ്രശ്‌നമല്ല. അതിനെ കുറ്റകൃത്യമായി കാണണം. കുറ്റം തെളിയിക്കപ്പെടേണ്ടതാണ്. കുറ്റവാളിയാണെങ്കില്‍ ശിക്ഷിക്കപ്പെടുകയും അല്ലെങ്കില്‍ യഥാര്‍ഥ കുറ്റവാളിയെ കണ്ടെത്തുകയും വേണം. കോടതിയാണ് അന്തിമ തീര്‍പ്പ് കല്‍പ്പിക്കേണ്ടതെന്നും ടൊവീനോ പറഞ്ഞു. നടിയെ ആക്രമിച്ച സംഭവത്തെ സംഘടനാ പ്രശ്‌നങ്ങളായി ഊതിപെരുപ്പിക്കുന്നത് മാധ്യമങ്ങളാണെന്നും നടന്‍ കുറ്റപ്പെടുത്തി.