ലൂസിഫര്‍ തലവേദനയാകുന്നോ...പൃഥ്വിരാജ് ആദ്യമായി സംവിധാനം ചെയ്യുന്ന ചിത്രം എന്ന നിലയിലും ചിത്രത്തിന് പ്രതീക്ഷകള്‍ ഏറെ. അതിനിടെയാണ് ഒരു ചിത്രം സോഷ്യല്‍ മീഡിയയില്‍ വൈറലാകുന്നത്
പ്രിഥ്വിക്ക് ലൂസിഫര്‍ ബാധ്യതയാകുമോ എന്ന് സോഷ്യല്‍ മീഡിയ. പൃഥ്വിരാജിന്റെ സംവിധാനത്തില്‍ മോഹന്‍ലാല്‍ നായകനാകുന്ന സിനിമയാണ് ലൂസിഫര്‍. ഈ ചിത്രത്തിന്റെ ചിത്രീകരണ വിശേഷങ്ങള്‍ വളരെ ആവേശത്തോടെയാണ് മലയാള സിനിമ ലോകം ശ്രദ്ധിക്കുന്നത്. പൃഥ്വിരാജ് ആദ്യമായി സംവിധാനം ചെയ്യുന്ന ചിത്രം എന്ന നിലയിലും ചിത്രത്തിന് പ്രതീക്ഷകള്‍ ഏറെ. അതിനിടെയാണ് ഒരു ചിത്രം സോഷ്യല്‍ മീഡിയയില്‍ വൈറലാകുന്നത്.
ലൂസിഫര്‍ സെറ്റില്‍ ചിത്രീകരണത്തിനിടെ തലയില്‍ കൈ വച്ച് പോകുന്ന പൃഥ്വിരാജിന്റെ ചിത്രമാണിത്. ടെന്‍ഷന്‍ കൂടിയത് കൊണ്ടാണോ ഈ ഭാവമെന്നാണ് പൃഥ്വി, മോഹന്‍ലാല്‍ ഫാന്‍സ് ഒരു പോലെ പറയുന്നത്. ഇത്രയും വലിയ ചിത്രത്തിന്റെ സംവിധായകന് തീര്‍ച്ചയായും ടെന്‍ഷനുണ്ടാകുമെന്നാണ് ഒരു വിഭാഗം പറയുന്നു. സിനിമയുടെ കിടിലന്‍ രംഗമാണ് അതാണ്, ദൈവമേ സംവിധാനം ഇത്ര ബുദ്ധിമുട്ടായിരുന്നോ? ഇങ്ങനെ പലതരത്തിലുള്ള കമന്റുകള്‍ ഈ ചിത്രത്തിന് കിട്ടുന്നുണ്ട്.
വലിയ മുതല്‍ മുടക്കില്‍ ഒരുങ്ങുന്ന ലൂസിഫറിന്റെ തിരക്കഥ മുരളി ഗോപിയാണ്. പൊളിറ്റിക്കല്‍ ത്രില്ലര്‍ ഗണത്തില്‍പെടുന്ന സിനിമയാണ് ലൂസിഫര്‍.
മഞ്ജു വാര്യര്‍ ചിത്രത്തില്‍ നായികയാകുന്നു. ബോളിവുഡ് താരം വിവേക് ഒബ്‌റോയി ആണ് വില്ലന്‍. ഇന്ദ്രജിത്ത്, കലാഭവന്‍ ഷാജോണ്‍, ടൊവിനോ, ഫാസില്‍, മംമ്ത, ജോണ്‍ വിജയ് എന്നിവരാണ് മറ്റുതാരങ്ങള്‍. ഛായാഗ്രഹണം സുജിത്ത് വാസുദേവ്. സംഗീതം ദീപക് ദേവ്.
https://www.facebook.com/Malayalivartha
