ഡല്ഹിയിലേക്ക് താമസം മാറിയ അമലാ പോള് താമസിക്കാതെ ഹിമാലയത്തിലേക്ക് ഷിഫ്റ്റ് ചെയ്യും
താന് ആക്ഷന് രംഗങ്ങള് ചെയ്തത് കണ്ട് പലരും അഭിനന്ദിച്ചെന്നും സ്ത്രീകള് ആക്ഷന് ചെയ്യുന്നത് കാണുമ്പോള് ജനങ്ങള്ക്ക് സ്ത്രീകളോടുള്ള ബഹുമാനം കൂടുമെന്നും അമലാ പോള് പറഞ്ഞു. അതോ അന്ത പറവൈ പോല് എന്ന സിനിമയിലും ആക്ഷന് രംഗങ്ങളില് അഭിനയിക്കുന്നുണ്ട്. ചിത്രത്തിന്റെ കുറച്ച് ഭാഗംകൂടി ഇനി പൂര്ത്തീകരിക്കാനുണ്ട്. പുരുഷന്മാരെ പോലെ സംഘട്ടനരംഗങ്ങളില് അഭിനയിക്കാന് നിര്ബന്ധിക്കരുതെന്നും താരം പറയുന്നു. അങ്ങനെ ആവശ്യപ്പെടുന്നവരോട് തനിക്ക് വെറുപ്പാണെന്നും അതിനുള്ള കാരണവും അമല വ്യക്തമാക്കി. അതെന്താണെന്ന് വഴിയേ പറയാം.
തമിഴ് സിനിമയില് എത്തിയത് മുതല് ചെന്നൈ ഏറെ ഇഷ്ടമായിരുന്നെങ്കിലും ആ നഗരമിപ്പോള് ജോലി ചെയ്യുന്ന സ്ഥലം മാത്രമാണെന്നും യോഗയില് കൂടുതല് സമയം മുഴുകാനും സുഹൃത്തുക്കള്ക്കൊപ്പം കഴിയാനും രാജ്യതലസ്ഥാനത്ത് താമസം തുടങ്ങിയെന്നും താരം വ്യക്തമാക്കി. താമസിക്കാതെ ഹിമാലയത്തിലേക്ക് ഷിഫ്റ്റ് ചെയ്യാനുള്ള തയ്യാറെടുപ്പിലാണ് ഈ താരസുന്ദരി.
ഹിമാലയത്തില് കൂട്ടായ്മ ഉണ്ടാക്കിയെടുക്കാനും ആഗ്രഹിക്കുന്നുണ്ട്. താനും സുഹൃത്തുക്കളും മുമ്പേ ഇത് പ്ലാന് ചെയ്തതാണ്. ഹിമാലയത്തില് താമസം തുടങ്ങിയാലും സിനിമ ഉപേക്ഷിക്കില്ല. അഭിനയം അത്രമേല് ഇഷ്ടപ്പെട്ടതാണ്. ഇനി പുരുഷനെ പോലെ സ്റ്റണ്ട് ചെയ്യണമെന്ന് പറയുന്നവരെ വെറുക്കാനുള്ള കാരണം പറയാം... എനിക്കുള്ളത് ഓവറിയാണ് അല്ലാതെ ബോള്സ് അല്ല. സ്ത്രീകളുടെ ശരീരഭാഷ അറിയാത്തവരാണ് ഇത്തരം വിവരക്കേടുകള് ആവശ്യപ്പെടുന്നതെന്നും താരം പറഞ്ഞു.
https://www.facebook.com/Malayalivartha