ജൂൺ 24 ന് ആരംഭിച്ച ബിഗ് ബോസ് സംഭവ ബഹുലമായ കഥാ സന്ദർഭത്തിലൂടെ ജൈത്രയാത്ര തുടരുകയാണ്. ഒരു കൂട്ടം മത്സരാർത്ഥികൾ പുറംലോകവുമായി യാതൊരു ബന്ധവുമില്ലാതെ കുറച്ചുനാൾ ഒരു വീട്ടിൽ ഒരുമിച്ചു ജീവിക്കുന്ന താരങ്ങൾ തമ്മിൽ പൊട്ടിത്തെറികളും പ്രണയവും എല്ലാം നിറഞ്ഞു നിൽക്കുകയാണ്. മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട നായകനായ ശ്രിനിഷും അവതാരകയും അഭിനേത്രിയുമായ പേളി മാണിയും ഹൃദയം കൈമാറിയെന്നായിരുന്നു റിപ്പോര്‍ട്ടുകള്‍.

ഇവരുടെ സംസാരവും നോട്ടവുമൊക്കെ ഈ സംശയത്തിന് ആക്കം കൂട്ടുകയും ചെയ്തു. അതെ സമയം അരിസ്‌റ്റോ സുരേഷും പേളിയും തമ്മിലുള്ള ബന്ധത്തെക്കുറിച്ച്‌ തുടക്കം മുതല്‍ മത്സരാര്‍ത്ഥികള്‍ സംസാരിക്കുന്നുണ്ടായിരുന്നു. തുടക്കം മുതല്‍ത്തന്നെ പേളിയും സുരേഷുമായുള്ള അടുപ്പത്തെക്കുറിച്ച്‌ പലരും സംശയം ഉന്നയിച്ചിരുന്നു. പേളിയുമായി ബന്ധപ്പെട്ട വിഷയങ്ങളിലെല്ലാം അദ്ദേഹം ഇടപെട്ടിരുന്നു. ഇക്കാര്യത്തില്‍ മറ്റുള്ളവര്‍ അസ്വസ്ഥരായിരുന്നു.

അദ്ദേഹത്തിന്റെ അടുപ്പം ഇപ്പോള്‍ തനിക്ക് തന്നെ വിനയായിരിക്കുകയാണെന്ന് പേളിയും പറയുന്നു. കഴിഞ്ഞ ദിവസം താരം ബിഗ് ബോസിനോട് പരാതിപ്പെട്ടിരുന്നു.സുരേഷുമായുള്ള ബന്ധത്തെക്കുറിച്ച്‌ പറഞ്ഞ് പലരും പ്രകോപിപ്പിക്കുമ്ബോഴും അത് വന്‍വിഷയമാക്കി മാറ്റിയപ്പോഴും പേളി വല്ലാതെ അസ്വസ്ഥയായിരുന്നു. ഇടയ്ക്ക് വെച്ച്‌ ശ്രിനിഷിനോട് സംസാരിച്ചുവെങ്കിലും കൃത്യമായൊന്നും പറയാതെ പോവുകയായിരുന്നു.

പ്രശ്‌നങ്ങളും ചര്‍ച്ചകളും തുടരുന്നതിനിടയില്‍ സ്രീനിയെ മുന്നില്‍ക്കണ്ട പേളി ആ നെഞ്ചിലേക്ക് വീണ് പൊട്ടിക്കരയുന്ന രംഗവും കഴിഞ്ഞ ദിവസത്തെ എപ്പിസോഡിലുണ്ടായിരുന്നു. എന്താണ് കാര്യമെന്ന് ചോദിച്ചിരുന്നുവെങ്കിലും ഒന്നും മിണ്ടാതെ പോവുകയായിരുന്നു പേളി.

പുറംലോകവുമായി ബന്ധമില്ലാത്ത ഒരു വീട്ടിൽ 100 ദിവസം ഒരുമിച്ചു ജീവിക്കുകയും അവസാന ദിവസം പുറത്താകാതിരിക്കുകയും ചെയ്യുന്നയാളാണ് മത്സരത്തിൽ വിജയിക്കുക.