സുഡാനി ഫ്രം നൈജീരിയ എന്ന സിനിമയിലൂടെ മലയാളി പ്രേക്ഷകരുടെ പ്രിയങ്കരനായ സാമുവല്‍ റോബിന്‍സണ്‍ വീണ്ടും മലയാളത്തിലേക്ക്. നൈജീരിയൻ താരമായ സാമുവൽ പർപ്പിൾ എന്ന ചിത്രത്തിലൂടെയാണ് വീണ്ടും തിരിച്ച് വരുന്നത്. പര്‍പ്പിള്‍ എന്ന സിനിമയില്‍ വില്ലനായിട്ടാണ് വേഷമിടുക. സാമുവൽ തന്നെയാണ് തന്റെ ഫെയ്​സ്ബുക്ക് പേജിലൂടെ രണ്ടാം വരവിന്റെ കാര്യം പരസ്യമാക്കിയത്.

കാഞ്ചനമാല കേബിള്‍ ടിവി എന്ന തെലുഗ് ചിത്രം സംവിധാനം ചെയ്ത പാര്‍ഥസാരഥിയാണ് പര്‍പ്പിള്‍ ഒരുക്കുന്നത്. ഇതൊരു കാമ്പസ് ചിത്രമാണ്. നിര്‍മ്മാണം രതീഷ് നായരാണ്. വിഷ്ണു വിനയന്‍, വിഷ്ണു ഗോവിന്ദ്, റിഷി പ്രകാശ്, മറിന മൈക്കിള്‍, നിഹാരിക എന്നിവരാണ് സിനിമയിലെ മറ്റു താരങ്ങള്‍.