മോഹന്‍ലാല്‍ അവതാരകനായെത്തുന്ന ബിഗ് ബോസ് റിയാലിറ്റി ഷോയില്‍ ശ്രദ്ധേയ മത്സരാര്‍ഥികളിലൊരാളായിരുന്നു രഞ്ജിനി ഹരിദാസ്. ഷോ ആരംഭിച്ച് അറുപത് ദിനങ്ങള്‍ പിന്നിട്ട ശേഷം ഏറ്റവുമൊടുവില്‍ കഴിഞ്ഞ ഞായറാഴ്ച നടന്ന എലിമിനേഷനിലാണ് രഞ്ജിനി പുറത്തായത്.പുറത്തായതിന് ശേഷം ബിഗ്ബോസിനെ ക്കുറിച്ചുള്ള അനുഭവം പങ്കുവെക്കുകയാണ് താരം.

'ബിഗ് ബോസ് ഹൗസില്‍ 60 ദിവസം താമസിച്ചതിനുശേഷം ഞാന്‍ പുറത്തിറങ്ങി യിരിക്കുകയാണ്. പിന്തുണച്ച എല്ലാവര്‍ക്കും നന്ദി. ലോകത്തെ തന്നെ എടുത്തു പറയാവുന്ന തരത്തിലുള്ള ഒരു സോഷ്യല്‍ എക്സ്പെരിമെന്റ് ആണ് ബിഗ് ബോസ്. ഞാന്‍ ഉദ്ദേശിച്ചത് എന്താണോ അതെനിക്ക് ലഭിച്ചു. പരീക്ഷണത്തില്‍ എങ്ങനെ അതിജീവിക്കും, ഞാനെന്ന വ്യക്തിയെ മാറ്റണമോ, ആരാണ് യഥാര്‍ഥ 'ഞാന്‍' എന്നൊക്കെ കണ്ടുപിടിക്കണമെന്നായിരുന്നു എനിക്ക്. അതിനുള്ള ഉത്തരം എനിക്ക് ലഭിച്ചു ഷോയുടെ ഈ ഘട്ടത്തില്‍ രഞ്ജിനി പുറത്തിറങ്ങേണ്ടിയിരുന്നോ എന്ന് ആളുകള്‍ ചോദിക്കുന്നുണ്ട്. ബിഗ് ബോസ് ഹൗസിലെ ഒരു നല്ല മത്സരാര്‍ഥിയായിരുന്നു ഞാന്‍' രഞ്ജിനി പറഞ്ഞു.

ഞാന്‍ പങ്കെടുത്ത അറുപത് ദിനങ്ങളുടെ 24 മണിക്കൂര്‍ നിങ്ങള്‍ എങ്ങനെയാണ് കണ്ടതെന്ന് എനിക്കറിയില്ല. കുറേ ട്രോളുകള്‍ ഇറങ്ങിയിട്ടുണ്ടെന്ന് കേട്ടു. അത് കാണണമെന്നും ചിരിക്കണമെന്നും രഞ്ജിനി പറയുകയുകയുണ്ടായി.