പുതുമുഖങ്ങളെ കേന്ദ്രകഥാപാത്രങ്ങളാക്കി സ്കൂള്‍ പശ്ചാത്തലത്തില്‍ ഒമര്‍ ലുലു ഒരുക്കുന്ന ചിത്രമാണ് അഡാറ് ലവ്. ചിത്രം പുറത്തിറങ്ങും മുന്‍പ് തന്നെ വളരെയധികം ചലനം സൃഷ്ടിച്ചിരുന്നു. പാട്ടും ടീസറും ആഗോളതലത്തില്‍ തന്നെ ശ്രദ്ധനേടി. പാട്ട് ആഗോളതലത്തില്‍ തന്നെ ഹിറ്റയാതോടെ പ മതവികാരം വ്രണപ്പെടുത്തുന്നു എന്ന് ആരോപിച്ച്‌ നിരവധി പേര്‍ രംഗത്തെത്തിയിരുന്നു. പാട്ട് പിന്‍വലിക്കണമെന്നായികരുന്നു ഇവരുടെ ആവശ്യം. എന്നാല്‍ പാട്ടില്‍ മതവികാരം വ്രണപ്പെടുത്തുകയോ മതത്തിനെ ഹനിക്കുന്നരീതിയില്‍ ഒന്നും തന്നെ ചെയ്തിട്ടില്ലെന്നും സംവിധായകന്‍ പറഞ്ഞിരുന്നു.

അഡാറ് ലവിന്റെ ചിത്രീകരണം പുരോഗമിച്ചു കൊണ്ടിരിക്കുന്നതിനിടെയാണ് സിനിമയെ പ്രതിന്ധിയിലാക്കികൊണ്ട് ചിത്രത്തിലെ ആദ്യ ഗാനമായ മാണിക്യ മലരായ പൂവിപുറത്തിറങ്ങിയത്. അതില്‍ ഏറെ ശ്രദ്ധിക്കപ്പെട്ടത് പ്രിയയെയായിരുന്നു. അതിനാല്‍ തന്നെ താരത്തിന് കൂടുതല്‍ പ്രധാന്യം നല്‍കണമെന്ന് നിര്‍മ്മാതാവ് ആവശ്യപ്പെട്ടിരുന്നു. ഇത് നിരസ്സിച്ചതോടെയാണ് പ്രശ്നങ്ങള്‍ വഷളായത്.

സിനിമ ആരംഭിക്കുന്നതിനു മുന്‍പ് തന്നെ സിനിമയില്‍ നിന്ന് കിട്ടുന്നലാഭ വിഹിതത്തിന്റെ കാര്യത്തില്‍ നിര്‍മ്മാതാവ് ഔസേപ്പച്ചനും സംവിധായകന്‍ ഒമര്‍ ലുലുവും തമ്മില്‍ ധാരണയിലെത്തിയിരുന്നു.. എന്നാല്‍ സിനിമയില്‍ നിന്നുള്ള ലാഭവിഹിതം നല്‍കാനാവില്ലെന്നാണ് നിര്‍മ്മാതാവ് ഔസേപ്പച്ചന്റെ ഇപ്പോഴത്തെ നിലപാട്. എന്നാല്‍ ഈ പ്രശ്നത്തില്‍ നിര്‍മ്മാതാക്കളുടെ സംഘന ഇടപെട്ടിരുന്നു. സംവിധായകന് ലാഭം ഷെയര്‍ ചെയ്യുന്ന കീഴ്വഴക്കം മലയാള സിനിമയില്‍ ഇല്ലയെന്നായിരുന്നു സംഘടനയുടെ തീരുമാനം.