തട്ടീംമുട്ടീം എന്ന ടെലിവിഷന് പരിപാടിയിലൂടെ ശ്രദ്ധേയമായ മീനാക്ഷി ജീവിത സഖാവിനെ തേടുന്നു... ജാതി, ജാതകം, ജില്ല, മീശ, താടി പ്രശ്നമല്ല
തട്ടീംമുട്ടീം എന്ന ടെലിവിഷന് പരിപാടിയിലൂടെ ശ്രദ്ധേയമായ മീനാക്ഷി ജീവിത സഖാവിനെ തേടുന്നു. ഇവളെ ഇങ്ങനെ നിര്ത്തിയാ മതിയോ, കല്യാണം കഴിപ്പിക്കണ്ടേ... എന്ന് നാട്ടുകാര് ചോദിച്ച് തുടങ്ങിയതോടെയാണ് സുന്ദരനും സല്സ്വഭാവിയും വിദ്യാസമ്പന്നനുമായ യുവാവിനെ തേടുന്നത്. ഇത് മാത്രമല്ല വരന് വേറയും യോഗ്യതകള് വേണം. ചെക്കന്റെ പ്രായം 23നും 26നും ഇടയിലായിരിക്കണം. നല്ല നര്മബോധമുണ്ടായിരിക്കണം. മീശയും താടിയും നിര്ബന്ധമില്ല. ലേശം കഷണ്ടിയൊക്കെ ആയാല് ഏത് മീനാക്ഷിയും സഹിക്കും. ജാതി, ജാതകം, ജില്ല എന്നീ പരമ്പരാഗത കീറാമുട്ടികള് പ്രശ്നമല്ല. ഇതിനെല്ലാമുപരി നല്ല അഭിനയശേഷിയുണ്ടായിരിക്കണം.
അവസാനത്തെ യോഗ്യത കേട്ട് ആരാധകരായ പലയുവാക്കളും ഞെട്ടി. അതേ തട്ടിംമുട്ടീം എന്ന ഹിറ്റ് ഹാസ്യപരമ്പരയിലെ പുതിയ യുവകഥാപാത്രമാണ് മീനാക്ഷിയെ കെട്ടേണ്ടവന്. ആ കഥാപാത്രത്തെ അവതരിപ്പിക്കാന് താല്പര്യള്ളവരെ തേടിയാണ് അണിയറപ്രവര്ത്തകര് പുതിയ രീതിയിലുള്ള പരസ്യം നല്കിയത്. സോഷ്യല് മീഡിയയിലും മറ്റും ഇത് വൈറലായിക്കഴിഞ്ഞു. സെപ്തംബര് പത്താണ് അവസാന തീയതി. താല്പര്യമുള്ളവര് ഏറ്റവും പുതിയ ഫുള്സൈസ്, ക്ലോസപ്പ് ഫോട്ടോകള്, സ്വയം പരിചയപ്പെടുത്തുന്ന ഒരു മിനിറ്റ് ദൈര്ഘ്യമുള്ള വീഡിയോ, ബയോഡേറ്റ എന്നിവസഹിതം അപേക്ഷിക്കുക. ഇമെയില് thatteemmutteem2018@gmail.com
https://www.facebook.com/Malayalivartha