ബിഗ്‌ബോസിൽ പ്രേക്ഷകരുടെ പ്രിയ താരമായി മാറിയ ബഷീര്‍ ബാഷിയ്ക്ക് എലിമിനേഷനിൽ പുറത്തായി നാട്ടിലെത്തിയ ബഷീറിന് ഗംഭീരമായ വരവേൽപ്പാണ് രണ്ട് ഭാര്യമാരും, മക്കളും ചേർന്ന് നൽകിയത്. കൊച്ചിയില്‍ വിമാനമിറങ്ങിയ ബഷീറിനെ സ്വീകരിക്കാൻ ബന്ധുക്കളും ഒപ്പമുണ്ടായിരുന്നു. ഇതിന്റെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്.

ബഷീര്‍ പോകുന്നതില്‍ ദുഃഖത്തിലായിരുന്നു ബിഗ് ബോസ് വീട്. ശ്രീനിയാണ് തന്റെ ഏറ്റവും വലിയ സുഹൃത്തെന്നു പറഞ്ഞു കൊണ്ടാണ് ബഷീര്‍ യാത്ര പറഞ്ഞത്. നീണ്ട നാളത്തെ കാത്തിരിപ്പിനൊടുവില്‍ തന്റെ പ്രിയപ്പെട്ടവരെ കാണാന്‍ കഴിയുമെന്ന സന്തോഷമാണ് ഇന്നലെ മോഹന്‍ലാലിനോട് ബഷീര്‍ പങ്കുവെച്ചത്.

ബിസിനസ്സും കുടുംബവുമൊക്കെയായി കഴിയുന്നതിനിടയില്‍ തനിക്ക് ലഭിച്ച മികച്ച അവസരമായിരുന്നു ബിഗ് ബോസെന്നും ജീവിതത്തിലെ തന്നെ വലിയ ഭാഗ്യങ്ങളിലൊന്നായി കാണുകയാണ് ഈ അവസരത്തെയെന്നും ബഷീര്‍ വ്യക്തമാക്കി. പങ്കെടുത്തത് കൊണ്ട് മാത്രം ജീവിതത്തില്‍ ഒരു മാറ്റവും സംഭവിച്ചിട്ടില്ല. പാത്രം കഴുകല്‍, സ്വന്തമായി വസ്ത്രം കഴുകുന്നത് ഇവയെല്ലാം ഒരനുഭവമായിരുന്നു. കുടുംബത്തെയാണ് കൂടുതല്‍ മിസ്സ് ചെയ്തത്. മക്കളെ വളര്‍ത്താനും മറ്റ് കാര്യങ്ങള്‍ ചെയ്യാനുമൊക്കെ ഭാര്യ പെടുന്ന കഷ്ടപ്പാടിനെക്കുറിച്ച് ഇപ്പോഴാണ് മനസ്സിലായത്. ഇനി മക്കളോടും കുടുംബത്തോടും ഇരിക്കുമ്പോള്‍ കിച്ചണില്‍ സഹായിക്കുമെന്നും താരം പറയുന്നു.

ജയിച്ച് പോകണം എന്ന് വെറുതെ പറഞ്ഞതാണ്. അവിടെ അതിനകത്ത് നടക്കുന്ന പല കാര്യങ്ങളെക്കുറിച്ചും കൃത്യമായി അറിയുന്നത് പ്രേക്ഷകര്‍ക്കാണ്. എന്തായാലും പെട്ടു, ഇനി നില്‍ക്കുന്നത് വരെ നില്‍ക്കാം എന്നതായിരുന്നു തീരുമാനം. ഇത്തവണത്തെ നോമിനേഷന്‍ വന്നപ്പോള്‍ തന്നെ പുറത്തേക്ക് പോവുന്നത് താനായിരിക്കുമെന്ന് മനസ്സിലാക്കിയിരുന്നതായി താരം പറയുന്നു.

ഇതേക്കുറിച്ച് കുടുംബാംഗങ്ങളുമായി ഷെയര്‍ ചെയ്തിരുന്നുവെന്നും ബഷീര്‍ പറയുകയുണ്ടായി. എന്നാല്‍ പുറംലോകവുമായി ബന്ധമില്ലാത്ത ഒരു മത്സരാര്‍ത്ഥിക്ക് അതെങ്ങനെ സാധിച്ചുവെന്നാണ് ആളുകള്‍ സംശയിക്കുന്നത്. എന്നാല്‍ പ്രേക്ഷകപിന്തുണ ഏറ്റവുമധികമുള്ള താരങ്ങളില്‍ ഒരാളാണ് പേളി. പേളിയുമായുള്ള പ്രണയം ശ്രീനിഷിനെ സുരക്ഷിതനാക്കുമെന്ന് ആര്‍ക്കും ഊഹിക്കാവുന്നതാണെന്നും ബഷീര്‍ പറഞ്ഞു.