പിന്തുണ വാക്കില് മാത്രമല്ല പ്രവൃത്തിയിലും!!! രാജ്യാന്തര വേദിയില് ചേന്നമംഗലം കൈത്തറിയണിഞ്ഞ് കൈയ്യടി നേടി നടി ഐശ്വര്യ ഡോക്ടര്
സോഷ്യല് മീഡിയയില് പോസ്റ്റും ഹാഷ്ടാഗുമിടുന്നതില് മാത്രം പല കാര്യങ്ങളും ഒതുങ്ങി പോകുമ്പോള് അവിടെ വ്യത്യസ്ത മാതൃകയായി മാറിയിരിക്കുകയാണ് താരം.ചേന്ദമംഗലത്ത് നെയ്ത വസ്ത്രമണിഞ്ഞ് രാജ്യാന്തര വേദിയിലെത്തിയാണ് ഐശ്വര്യ കയ്യടി നേടിയത്.ചേന്ദമംഗലം കസവ് സാരിയായിരുന്നു ഐശ്വര്യയുടെ വേഷം. ഇതിനൊപ്പം സ്റ്റൈല് സ്റ്റേറ്റ്മെന്റായി വ്യത്യസ്ത ലുക്കില് ബ്ലൗസും അണിഞ്ഞതോടെ പുതിയ ഫാഷന് തരംഗം തീര്ക്കാനും താരത്തിനായി.
പ്രളയം തകര്ത്ത ചേന്ദമംഗലം കൈത്തറിക്ക് നേരത്തേ തന്നെ പിന്തുണയറിയിച്ച നടി ഐശ്വര്യ ലക്ഷ്മി തന്റെ പിന്തുണ വാക്കില് മാത്രമല്ലെന്ന് പ്രവൃത്തിയിലൂടെ കാണിച്ചു തന്നിരിക്കുകയാണ്.
സൈമ ഫിലിം അവാര്ഡ്സ് വാങ്ങാന് ദുബായിലെ വേദിയിലെത്തിയ താരങ്ങളെല്ലാം ഡിസൈനര് വസ്ത്രങ്ങളിലെത്തിയപ്പോള് ഐശ്വര്യ വ്യത്യസ്തയായി തിളങ്ങി നിന്നു.
ആഷിക് അബു ചിത്രം മായാനദി ഹിറ്റായതോടെ ഐശ്വര്യയുടെ താരമൂല്യം ഉയര്ന്നത്. ഞണ്ടുകളുടെ നാട്ടില് ഒരു ഇടവേള എന്ന നിവിന് പോളി ചിത്രത്തിലാണ് ഐശ്വര്യ ആദ്യമായി അഭിനയിച്ചത്. രണ്ടാമത്തെ ചിത്രമാണെങ്കിലും മായാനന്ദിയിലും പുതുമുഖങ്ങളെപ്പോലെ അപേക്ഷ അയച്ചാണ് ചിത്രത്തിലേക്ക് ഐശ്വര്യ അവസരംനേടിയെടുത്തത്.
ഹൗസ് സര്ജന്സിയൊക്കെ പൂര്ത്തിയാക്കുന്നതിനിടെ സിനിമയെ ഒപ്പം കൂട്ടിയപ്പോള് സംശയത്തോടെ നോക്കിയത് കൂടുതലും അധ്യാപകരായിരുന്നുവെന്ന് താരം പറയുന്നു. വരത്തനാണ് താരത്തിന്റെ പുതിയ ചിത്രം. അമല് നീരദ് സംവിധാനം ചെയ്തിരിക്കുന്ന ചിത്രത്തിലെ നായകന് ഫഹദ് ഫാസിലാണ്.
https://www.facebook.com/Malayalivartha