പ്രേക്ഷകരെ കുടുകുടെ ചിരിപ്പിക്കാൻ ഡാകിനി വരുന്നു ; ഫഹദ് ഫാസില്‍ തന്റെ ഒഫിഷ്യല്‍ പേജിലൂടെ ട്രെയിലര്‍ റിലീസ് ചെയ്തു
സംസ്ഥാന പുരസ്‌കാരം സ്വന്തമാക്കിയ ഒറ്റമുറി വെളിച്ചത്തിന്റെ സംവിധായകന്‍ രാഹുല്‍ ജി നായര്‍ രചനയും സംവിധാനവും നിര്‍വഹിക്കുന്ന ഡാകിനിയുടെ ട്രെയ്‌ലര്‍ പുറത്തിറങ്ങി. ഫഹദ് ഫാസില്‍ ആണ് തന്റെ ഒഫിഷ്യല്‍ പേജിലൂടെ "ഡാകിനി"യുടെ ട്രെയിലര്‍ റിലീസ് ചെയ്തത്. അജു വര്‍ഗീസ് , ചെമ്ബന്‍ വിനോദ്, ബാലുശ്ശേരി സരസ , ശ്രീലത ശ്രീധരന്‍, അലന്‍സിയര്‍ , ഇന്ദ്രന്‍സ് , പോളി വത്സന്‍ , സേതുലക്ഷ്‍മി തുടങ്ങിയവര്‍ പ്രധാന കഥാത്രങ്ങളെ അവതരിപ്പിക്കുന്നു. വിജയ് ബാബുവിന്റെ ഫ്രൈഡേ ഫിലിംസ് ' ഡാകിനി ' വിതരണം ചെയ്യും.
ഉര്‍വശി തിയറ്റേഴ്‌സിന്റെ ബാനറില്‍ സന്ദീപ് സേനന്‍ അനീഷ് എം തോമസ്, യൂണിവേഴ്‌സല്‍ സിനിമാസ് ബി രാകേഷും ചേര്‍ന്ന് നിര്‍മിക്കുന്ന ഡാകിനി ഈ വര്‍ഷം അവസാനം തിയറ്ററുകളില്‍ എത്തിക്കാനാണ് ശ്രമിക്കുന്നത്. ഛായാഗ്രഹണം : അലക്‌സ് പുളിക്കല്‍ , ചിത്രസംയോജനം : അപ്പു ഭട്ടതിരി , സംഗീതം : രാഹുല്‍ രാജ് , കലാസംവിധാനം : പ്രതാപ് രവീന്ദ്രന്‍, വസ്ത്രാലങ്കാരം: ധന്യ ബാലകൃഷ്ണന്‍, സഹസംവിധാനം: നിതിന്‍ മൈക്കിള്‍ , ചമയം : റോനെക്‌സ് സേവ്യര്‍ , നിര്‍മാണ നിര്‍വഹണം : എസ് മുരുഗന്‍. വിജയ് ബാബുവിന്റെ ഫ്രൈഡേ ഫിലിംസ് ' ഡാകിനി ' വിതരണം ചെയ്യും.
https://www.facebook.com/Malayalivartha
