നടിയെ ആക്രമിച്ച കേസില് അറസ്റ്റിലായ ദിലീപ് മോചിതനായെങ്കിലും സമയം തെളിഞ്ഞിരുന്നില്ല, ഇപ്പോള് താരത്തിന്റെ ജീവിതത്തിലേക്ക് പഴയ സൗഭാഗ്യങ്ങള് മടങ്ങിയെത്തുന്നു... മീനാക്ഷിക്ക് മെഡിസിന് അഡ്മിഷന് ലഭിച്ചതും കാവ്യ ഗര്ഭിണിയായതും അതിന്റെ ലക്ഷണങ്ങളാണ്
നടിയെ ആക്രമിച്ച കേസില് അറസ്റ്റിലായത് മുതല് ശനിദശ തുടങ്ങിയ നടന് ദിലീപിന്റെ ജീവിതത്തില് വീണ്ടും നല്ല കാലംവരുന്നെന്ന് ജോല്സ്യന്മാര്. രണ്ടാംഭാര്യ കാവ്യാമാധവന് കുഞ്ഞിന് ജന്മം നല്കുന്നതോടെ താരത്തിന്റെ ജീവിതത്തില് മാറ്റങ്ങളുണ്ടാകുമെന്നാണ് വിലയിരുത്തല്. മകള് മീനാക്ഷിക്ക് മെഡിസിന് അഡ്മിഷന് ലഭിച്ചതും കാവ്യ ഗര്ഭിണിയായതുമാണ് അടുത്ത കാലത്ത് ദിലീപിന്റെ ജീവിതത്തിലുണ്ടായ നല്ല മാറ്റങ്ങള്. നടിയെ ആക്രമിച്ച കേസിന്റെ ഗൂഢാലോചനക്കേസില് 84 ദിവസം ജയിലില് കിടന്ന ദിലീപ് മോചിതനായിട്ടും സമയം മാറിയിരുന്നില്ല. ജാതകവശാല് തനിക്ക് മോശം സമയമാണെന്ന് ദിലീപ് അടുത്ത സുഹൃത്തുക്കളോട് പറഞ്ഞിരുന്നു.
ഒരു വര്ഷം അഞ്ചാറ് സിനിമകളും നിരവധി പരസ്യചിത്രങ്ങളിലും അഭിനയിച്ചിരുന്ന ദിലീപ് കഴിഞ്ഞ രണ്ട് വര്ഷമായി പുതിയ സിനിമകളിലൊന്നും അഭിനയിച്ചിരുന്നില്ല. കേസും മറ്റ് കാര്യങ്ങളുമായി വീട്ടിലിരിക്കുകയായിരുന്നു. അടുത്തിടെയാണ് ബി. ഉണ്ണികൃഷ്ണന്റെ സിനിമയിലേക്ക് കരാറൊപ്പിട്ടത്. അതിന്റെ ചിത്രീകരണം തുടങ്ങി. ജയിലിലായ ശേഷം പുറത്തിറങ്ങിയ രാമലീല ഹിറ്റായി. എന്നാല് കമാരസംഭവം വലിയ പരാജയമായി. അതിന് മുമ്പ് ചിത്രീകരണം തുടങ്ങിയ പ്രൊഫ. ഡിങ്കന് ഇതുവരെ പൂര്ത്തിയാക്കിയിട്ടില്ല. ഇതിനകം കോടികള് അതിനായി ചെലവഴിച്ചുകഴിഞ്ഞു.
ആദ്യ ഭാര്യ മഞ്ജുവാര്യരെ വിവാഹം ചെയ്ത ശേഷമാണ് ദിലീപിന്റെ ജീവിതം മാറിമറിഞ്ഞത്. ജനപ്രീയനായകനായ ദിലീപുമായി 2014ല് മഞ്ജു അകന്നു. 2015 നിയമപരമായി ബന്ധം വേര്പെടുത്തി. 2016 നവംബര് 25ന് കാമുകിയായ കാവ്യാമാധവനെ വിവാഹം കഴിച്ചു. അതിന് ശേഷമാണ് ദിലീപിന്റെ സമയം മോശമായത്. അത് കാവ്യയുടെ കുറ്റമായിരുന്നില്ല, ദിലീപിന്റെ ജാതകദോഷമായിരുന്നു. 2017 ജൂലായ് 10നാണ് ദിലീപിനെ അറസ്റ്റ് ചെയ്യുന്നത് ഒക്ടോബര് നാലിന് ജാമ്യം ലഭിച്ചു. അതിന് ശേഷവും കാര്യങ്ങള് അത്ര മെച്ചമായില്ല. അതിനിടെയാണ് കാവ്യ ഗര്ഭിണിയാണെന്ന വാര്ത്ത കുടുംബത്തെ സന്തോഷിപ്പിച്ചത്. ഇതോടെ പോയ സൗഭാഗ്യങ്ങള് ദിലീപിന്റെ ജീവിതത്തിലേക്ക് മടങ്ങിവരുമെന്നാണ് ജോത്സ്യന്മാര് വിലയിരുത്തുന്നത്.
https://www.facebook.com/Malayalivartha