ആരാധക പിന്തുണയിൽ ഞെട്ടി ഷിയാസ്; ഇതൊക്കെ എനിക്ക് വേണ്ടി തന്നെയായിരുന്നോ? ബിഗ്ബോസ് വീട്ടിനുള്ളിൽ എല്ലാവരുംകൂടി ടോര്ച്ചര് ചെയ്തപ്പോഴും ഞാൻ പിടിച്ചുനിന്നത് ആ ഒരാൾക്ക് വേണ്ടിയാണ്... ബിഗ് ബോസ് വീട്ടിൽ നിന്നും പുറത്തു വന്നതിന് പിന്നാലെ ഷിയാസ് വെളിപ്പെടുത്തുന്നു...
01 OCTOBER 2018 11:32 AM IST
മലയാളി വാര്ത്ത
ഞാന് മോഡലൊക്കെ ആണെങ്കില് ആര്ക്കും എന്നെ കണ്ടാല് മനസ്സിലാവാറില്ല. നടന്നൊന്നും പോകുമ്പോള് എന്നെ ആരും നോക്കാറില്ല. പക്ഷേ ബിഗ് ബോസില് നിന്നും പുറത്തിറങ്ങി സ്റ്റുഡിയോയില് എത്തിയപ്പോള് ആള്ക്കാര് ഇങ്ങോട്ടു വന്നു ഞാന് ഫാനാണ് എന്നൊക്കെ പറഞ്ഞു കൂടെ നിര്ത്തി ഫോട്ടോയൊക്കെ എടുപ്പിച്ചു. ഗ്രാന്ഡ് ഫിനാലെ കാണാന് വന്ന അമ്മച്ചിമാരും ചേച്ചിമാരുമൊക്കെ എന്നെ വട്ടമിട്ടു നിന്നാണ് ഫോട്ടോയെടുത്തത്.
ബിഗ് ബോസ് വീട്ടിലേക്ക് വരുമ്പോള് എന്നെ അറിയുന്ന കുറച്ച് ആള്ക്കാര് മാത്രം എനിക്ക് വോട്ടു ചെയ്യാം എന്നാണ് ഞാന് കരുതിയത് . പക്ഷേ ഇത്രയും പേര് വോട്ട് ചെയ്തു എന്നൊക്കെ അറിഞ്ഞപ്പോള് വിശ്വസിക്കാന് പറ്റുന്നില്ല. എനിക്ക് വേണ്ടി ഇത്രയേറെ ആളുകള് കഷ്ടപ്പെട്ടു എന്നൊക്കെ അറിയുമ്പോള് എന്താ പറയാ എല്ലാവരോടും നന്ദിയുണ്ട് ഒരുപാട്.
ബിഗ് ബോസ് വീട്ടിനകത്ത് എല്ലാവരും കൂടി എന്നെ ഭയങ്കര ടോര്ച്ചര് ചെയ്തപ്പോഴും ഞാന് പിടിച്ചു നിന്നത് എന്റെ ഉമ്മയുടെ വാക്കുകള് ഓര്ത്താണ്... എന്റെ കുടുംബത്തെ ആലോചിച്ചാണ്. എന്നെ ഇത്രയും സ്നേഹിച്ച... പിന്തുണച്ച എല്ലാവര്ക്കും വളരെ വളരെ നന്ദി... നിങ്ങളോടുള്ള സ്നേഹവും നന്ദിയും എങ്ങനെ പറഞ്ഞാല് തീരും എന്നറിയില്ല... എല്ലാവരേയും നേരില് കണ്ട് നന്ദി പറയണം എന്നാണ് ആഗ്രഹിക്കുന്നത്. പെരുമ്പാവൂരിലാണ് എന്റെ വീട് എല്ലാവരും അങ്ങോട്ട് വരണം
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
