നടി ആക്രമിക്കപ്പെട്ട കേസിൽ പ്രതിസ്ഥാനത്തുള്ള നടൻ ദിലീപിനെതിരെ നടപടി വൈകുന്നതിൽ കൂടുതൽ പ്രതിഷേധത്തിനൊരുങ്ങി വനിതാ കൂട്ടായ്‌മയായ വിമെൻ ഇൻ സിനിമ കളക്‌ടീവ്. ഇതിന്റെ പശ്‌ചാത്തലത്തിൽ ഡബ്ല്യു.സി.സി പ്രവർത്തകർ നടത്തിയ വാർത്താ സമ്മേളനത്തിൽ അമ്മ താര സംഘടനയുടെ പ്രസിഡന്റ് മോഹൻലാൽ വാർത്താസമ്മേളനത്തിൽ അപമാനിച്ചെന്ന് നടി രേവതി. അമ്മ പ്രസിഡന്റ് മോഹന്‍ലാലിനെതിരെ തുറന്നടിച്ചിരിക്കുകയാണ് രേവതി. മോഹന്‍ലാല്‍ തങ്ങള്‍ മൂന്നുപേരെ അപമാനിച്ചുവെന്നാണ് രേവതി പറയുന്നത്. നടി എന്ന് മാത്രം അഭിസംബോധന ചെയ്തു. മോഹന്‍ലാലിന് എന്തുകൊണ്ട് ഞങ്ങടെ മൂന്നുപേരുടെ പേര് പറയാന്‍ കഴിയാത്തത്. മോഹന്‍ലാല്‍ വാര്‍ത്തസമ്മേളനത്തിലാണ് ഇങ്ങനെ പറഞ്ഞതെന്ന് രേവതി ചൂണ്ടിക്കാട്ടി.

ആക്രമിക്കപ്പെട്ട നടിയ്ക്ക് വേണ്ട പിന്തുണ നൽകിയില്ല. ആക്രമിക്കപ്പെട്ട നടി അകത്തും,ആരോപ വിധേയൻ അകത്തുമാണെന്നും, ഇനി നിശബ്ദരായിരുന്നിട്ട് കാര്യമില്ലെന്നും ഡബ്ല്യൂ സി സി തുറന്നടിക്കുന്നു. 

ഇപ്പോള്‍ നടക്കുന്നത് നീതിയ്ക്ക് വേണ്ടിയുള്ള സമരമാണ്. അമ്മയുടെ യോഗത്തില്‍ ആദ്യ നാല്‍പത് മിനിറ്റ് നേരിട്ടത് കുറ്റപ്പെടുത്തലാണെന്ന് പാര്‍വ്വതി ആരോപിച്ചു. ആക്രമിക്കപ്പെട്ട നടിയെ യോഗത്തില്‍ അധിക്ഷേപിച്ചെന്നും നടിമാര്‍ ആരോപിച്ചു.

നടിമാരായ രേവതി, പാര്‍വതി, പത്മപ്രിയ തുടങ്ങിയവരുടെ നേതൃത്വത്തിലായിരുന്നു വാര്‍ത്തസമ്മേളനം.