താരചക്രവർത്തിമാരുടെ തൊലിയുരിയും; മീ ടു വിന്റെ ഭാഗമായി കൂടുതൽ പ്രതിഷേധങ്ങൾക്കൊരുങ്ങി ഡബ്ല്യൂ.സി.സി
മലയാള നടന്മാരുടെ തൊലിയുരിയും .അമ്മ'യ്ക്കുള്ളില് നടിമാരുടെ പ്രതിഷേധം പുകയുന്ന സാഹചര്യത്തിൽ കൂടുതൽ വെളിപ്പെടുത്തലുകൾ മലയാള സിനിമയിലുണ്ടാകുമെന്ന് സൂചന. മീ ടു വിന്റെ ഭാഗമായി ഇരകളായുള്ള കൂടുതൽ പേരെ മാധ്യമങ്ങൾക്ക് മുന്നിൽ കൊണ്ടുവന്ന് പ്രതിഷേധിക്കാൻ ഒരുങ്ങുകയാണ് ഡബ്ല്യൂ.സി.സി. ബോളിവുഡിനും ഹോളിവുഡിനും സമാനമായ വെളിപ്പെടുത്തലുകൾ മലയാള സിനിമയിലുമുണ്ടാകും. ഇതോട് കൂടി സിനിമയ്ക്ക് പിന്നിലെ അണിയറ രഹസ്യങ്ങൾ പുറത്തുവരും.
കൂടുതല് നടിമാര് സംഘടന വിട്ട് പുറത്തുപോകുമെന്നാണ് ലഭിക്കുന്ന സൂചന. സംഘടനാ നേതൃത്വത്തിന്റെ നിലപാടില് പ്രതിഷേധം പ്രകടിപ്പിച്ച് വിമണ് ഇന് സിനിമ കലക്ടീവ് (ഡബ്ല്യൂ.സി.സി) വൈകിട്ട് കൊച്ചിയില് വാര്ത്താസമ്മേളനം വിളിച്ചിരുന്നു . കൂടുതല് പേര് സംഘടന വിടുന്ന തീരുമാനം അറിയിക്കുമെന്നാണ് കരുതുന്നത്. തങ്ങളെ ദ്രോഹിച്ചവരെ തങ്ങളും ദ്രോഹിക്കും എന്ന നിലപാടിലാണ് ഡബ്ല്യൂ.സി.സി.വരുന്ന ദിവസങ്ങളിൽ കൂടുതൽ വെളിപ്പെടുത്തലുകൾ ഉണ്ടാകുമെന്നാണ് പ്രതീക്ഷിക്കുന്നത്.
അതേസമയം, ഏറെ വിവാദം സൃഷ്ടിച്ച 'മീ ടു' ക്യാംപയിന് മലയാള സിനിമയിലേക്കും എത്താന് സാധ്യതയുണ്ടെന്ന് സാഹിത്യകാരന് എന്.എസ് മാധവന് ട്വീറ്റ് ചെയ്തു. ഡബ്ല്യൂ.സി.സി വൈകിട്ട് കൊച്ചിയില് വാര്ത്താസമ്മേളനം വിളിച്ച സാഹചര്യത്തിലാണ് മാധവന്റെ ട്വീറ്റ്. 'വലിയ മീ ടുവിന് സാധ്യതയുണ്ടെന്ന് വിവരം ലഭിച്ചു. മാധ്യമപ്രവര്ത്തകര് വൈകിട്ട് നാലിന് നടക്കുന്ന ഡബ്ല്യൂ.സി.സി വാര്ത്താസമ്മേളനം ഒഴിവാക്കരുതെന്ന്' അദ്ദേഹം ട്വീറ്റ് ചെയ്യുന്നു.
https://www.facebook.com/Malayalivartha