ഈ ഊളകളുടെ പിറകെ നടക്കാനില്ല !; തനിക്ക് നേരെ നടന്ന ലൈംഗീകാതിക്രമം തുറന്നുപറഞ്ഞ് നടി അര്‍ച്ചന പദ്മിനി; വെളിപ്പെടുത്തൽ ഡബ്ല്യൂ.സി.സി വിളിച്ചുചേർത്ത വാർത്താസമ്മേളനത്തിൽ
മലയാള സിനിമാരംഗത്ത് മീടൂ വെളിപ്പെടുത്തലുമായി നടി അര്‍ച്ചന പദ്മിനി.കൊച്ചിയിൽ ഡബ്ല്യൂ സി സി കൊച്ചിയിൽ വിളിച്ചുചേർത്ത വാർത്താസമ്മേളനത്തിലാണ് നടി തനിക്കുനേരെ നടന്ന അതിക്രമം ആവർത്തിച്ചത് .മമ്മുട്ടി നായകനായ പുള്ളിക്കാരന്‍ സ്റ്റാറാ' എന്ന സിനിമയുടെ ലൊക്കേഷനില്‍ വെച്ച് പ്രൊഡക്ഷന്‍ കണ്‍ട്രോളര്‍ ഷെറിന്‍ സ്റ്റാന്‍ലി തന്നോട് മോശമായി പെരുമാറിയതായി നടി അര്‍ച്ചന പറഞ്ഞു . സംഭവത്തില്‍ ഫെഫ്ക ജനറല്‍ സെക്രട്ടറി ബി. ഉണ്ണിക്കൃഷ്ണനു പരാതി നല്‍കിയെങ്കിലും ഒരു നടപടിയും ഉണ്ടായില്ലെന്നും ഇയാള്‍ നിലവില്‍ ബാബുഷയ്‌ക്കൊപ്പം വര്‍ക്ക് ചെയ്യുന്നുവെന്നും അര്‍ച്ചന ചൂണ്ടിക്കാട്ടി.
തനിക്ക് നേരിട്ട ദുരനുഭവത്തില്‍ പരാതിയുമായി ഒരുപാട് തവണ പുറകെ നടന്നു. അയാള്‍ ഇപ്പോഴും സിനിമാ രംഗത്ത് സജീവമാണ്. ഇനി ഇവരില്‍ നിന്നും നീതി പ്രതീക്ഷിക്കുന്നില്ലെന്നും, തനിക്ക് ജീവിതത്തില്‍ ഒരുപാട് ചെയ്യാനുണ്ട്. ഈ ഊളകളുടെ പിറകെ നടക്കുന്നില്ലെന്നും അര്‍ച്ചന പൊട്ടിത്തെറിച്ചു. താന്‍ സ്വതന്ത്ര സിനിമകളുശട ഭാഗമാണ്. അതുകൊണ്ടു തന്നെ ഇന്‍ഡസ്ട്രിയില്‍ ഇതിനെടുക്കുന്ന കാലതാമസത്തെക്കുറിച്ച് മനസിലാകുന്നില്ലെന്നും അര്‍ച്ചന കൂട്ടിച്ചേര്‍ത്തു.
https://www.facebook.com/Malayalivartha
