‘അമ്മ’യില് നിന്നും ദിലീപ് രാജിവച്ചു
നടന് ദിലീപ് രാജിക്കത്ത് നല്കി. ഈ മാസം പത്തിന് ‘അമ്മ’യില് നിന്നും രാജി വയ്ക്കുന്നതായുള്ള കത്ത് നല്കിയതായാണ് റിപ്പോർട്ടുകൾ പുറത്തുവരുന്നത് .അമ്മ പ്രസിഡന്റ് മോഹന്ലാലിനാണ് രാജിക്കത്ത് കൈമാറിയത്.
ശനിയാഴ്ച കൊച്ചിയില് വിളിച്ചു ചേര്ത്ത വാര്ത്താ സമ്മേളനത്തില് കുറ്റാരോപിതനായ വ്യക്തിയെ ചലചിത്ര സംഘടനകളുടെ തലപ്പത്തുള്ളവര് സംരക്ഷിക്കുന്നതിനെതിരെ രംഗത്ത് എത്തിയിരുന്നു. ആക്രമിക്കപ്പെട്ട നടിക്ക് ഒരു പിന്തുണയും കിട്ടിയില്ലെന്നു ഡബ്ള്യുസിസി അംഗങ്ങള് വാര്ത്താസമ്മേളനത്തില് കുറ്റപ്പെടുത്തി. കേരളത്തിലെ സിനിമാസംഘടനകള് വാക്കാലല്ലാതെ ഒരു സഹായവും നല്കിയില്ല. 15 വര്ഷം മലയാളസിനിമയില് പ്രവര്ത്തിച്ച നടിയാണ് ആക്രമിക്കപ്പെട്ടത്. പീഡിപ്പിക്കപ്പെട്ടയാള് സംഘടനയ്ക്ക് പുറത്ത്, പ്രതിയായ ആള് അകത്ത്, ഇതെന്തു നീതി ? ഇരയായ പെണ്കുട്ടിയെ ആക്ഷേപിക്കാനും അപമാനിക്കാനും ശ്രമിച്ചു. ‘ചൂടുവെള്ളത്തില് വീണ പൂച്ച’ എന്ന നടന് ബാബുരാജിന്റെ പരാമര്ശം ഹീനം. അമ്മയുടെ ഭാരവാഹികള് നീതിമാന്മാരല്ലെന്ന് രേവതി തുറന്നടിച്ചു.
https://www.facebook.com/Malayalivartha
