ഡബ്ല്യു.സി.സിയുടെ ഫേസ്ബുക്ക് പേജില് പ്രമുഖ താരങ്ങളുടെ ഫാൻസുകാരുടെ കമന്റ് വിസർജ്ജനം; ‘ഫാനരന്മാരുടെ’എണ്ണവും ഭാഷയും കണ്ട് ഞെട്ടേണ്ട, വേണ്ടത് അടിയന്തിരമായി മാനസിക ആരോഗ്യ കേന്ദ്രങ്ങളെന്ന് ഡോ ബിജു
താരസംഘടനയായ അമ്മക്കും പ്രസിഡന്റ് മോഹന്ലാലിനുമെതിരെ ആരോപണം ഉന്നയിച്ച ഡബ്ല്യു.സി.സിയുടെ ഫേസ്ബുക്ക് പേജില് സൈബര് ആക്രമണം. വിമര്ശനമുന്നയിച്ച നടിമാര്ക്കെതിരെ അശ്ലീല പരാമര്ശങ്ങളാണ് ഫേസ്ബുക്ക് പേജില്. ഇന്നലെ നടന്ന നടിമാരുടെ വാര്ത്താസമ്മേളനം ലൈവ്സ്ട്രീം ചെയ്തതിന് താഴെയും ഇത്തരത്തില് വ്യാപകമായ കമന്റുകളാണ്. പ്രമുഖ താരങ്ങളുടെ ഫാന്സ് അസോസിയേഷനുകളാണ് അക്രമത്തിന് പിന്നില്.
വനിതാകൂട്ടായ്മയുടെ ഫേസ്ബുക്ക് പോസ്റ്റിന് കീഴെ അസഭ്യവര്ഷവും അധിക്ഷേപവും തുടരുന്ന ഫാന്സിനെതിരെ സംവിധായകന് ഡോക്ടര് ബിജു രംഗത്തെത്തി. ഇത്തരത്തിലുള്ള കമന്റുകള് എല്ലാ ജില്ലകളിലും മാനസിക ആരോഗ്യ കേന്ദ്രങ്ങള് വേണമെന്ന അടിയന്തിര ഘട്ടം സര്ക്കാര് ശ്രദ്ധയില്പ്പെടുത്താന് ഇത് സഹായിക്കുമെന്നും തന്റെ ഫെയ്സ് ബുക്ക് പോസ്റ്റില് ബിജു കുറിച്ചു.
“WCC യുടെ പ്രസ് മീറ്റ് വാര്ത്തകളുടെ ലിങ്കിന് താഴെ കമന്റ് വിസര്ജ്ജിക്കുവാന് വന്ന ‘ഫാനരന്മാരുടെ’എണ്ണവും ഭാഷയും കണ്ട് ഞെട്ടേണ്ടതില്ല..കേരളത്തില് എല്ലാ ജില്ലകളിലും ഒട്ടേറെ മാനസിക ആരോഗ്യ കേന്ദ്രങ്ങള് വേണം എന്ന അടിയന്തിര ഘട്ടം സര്ക്കാര് ശ്രദ്ധയില് പെടുത്താന് ഇത് സഹായിക്കും..”
https://www.facebook.com/Malayalivartha
