മലയാള സിനിമയിൽ പ്രശ്നങ്ങളൊന്നുമില്ല എന്ന് കെപിഎസി ലളിത .. ഇനി എന്തെങ്കിലും ഉണ്ടെങ്കിൽ അതെല്ലാം വെറും നിസ്സാര പ്രശ്നങ്ങൾ മാത്രം ..എല്ലാം ഉള്ളി തൊലി കളഞ്ഞാലുള്ളത് പോലെ കഴമ്പില്ലാത്തത് ..

ഉന്നയിക്കുന്ന ആരോപണം അനാവശ്യമാണ്, നടിമാരെന്ന് വിളിക്കുന്നതിൽ എന്ത് തെറ്റാണുള്ളതെന്ന് കെപിഎസി ലളിത കൊച്ചിയില്‍ പറഞ്ഞു. സംഘടനയിൽ പറയേണ്ടത് അവിടെ പറയണം, അല്ലാതെ മറ്റ് സ്ഥലങ്ങളിൽ പോയി സംഘടനയെ അപഹാസ്യരാക്കുന്ന രീതി ശരിയല്ല.
സംഘടനയിൽ നിന്ന് പുറത്തുപോയവർക്ക് അമ്മയിൽ വന്നു മാപ്പു പറഞ്ഞു തിരിച്ചുവരാം..കെപിഎസി ലളിത പറഞ്ഞു

ഇത്തരം പ്രശ്നങ്ങളൊന്നും അമ്മയുടെ കെട്ടുറപ്പിനെ ബാധിക്കില്ലെന്നും ലളിത പറഞ്ഞു

സംഘടനയ്ക്കുള്ളിൽ നിന്ന് കൊണ്ട് പ്രസിഡന്റിനെ ചീത്ത വിളിക്കുന്നത് ശരിയല്ല . പരസ്യമായ അധിക്ഷേപം ഗുരുതരമായ സംഘടനാ വിരുദ്ധ പ്രവർത്തനമെന്നും കെപിഎസി ലളിത പറഞ്ഞു. മറ്റ് ഭാഷകളിലെ സിനിമാ വ്യവസായ സംഘടനകളെ സംബന്ധിച്ച് വളരെ നല്ല രീതിയില്‍ നടന്നു പോവുന്ന ഒന്നാണ് അമ്മയെന്നും ലളിത പറഞ്ഞു.

ഇത്രേം പ്രശ്നങ്ങളൊക്കെ ഉണ്ടാക്കാൻ എന്തു കാര്യമാണ് ഉള്ളത്? എല്ലാവരും എന്തെങ്കിലും ഒരു പ്രശ്നം കിട്ടിയാൽ കൈകൊട്ടി ചിരിക്കാൻ നോക്കിയിരിക്കുവാണ്. എല്ലാരും കൂടിയിരുന്ന് പറഞ്ഞ് തീർക്കാവുന്ന കാര്യമേ ഉണ്ടായിട്ടുള്ളൂ. സംഘടനയിൽ നടക്കുന്ന കാര്യമൊന്നും പുറത്തു പറയാൻ പാടില്ല. നമ്മടെ അമ്മയോട് വന്ന് ക്ഷമ പറഞ്ഞാൽ എല്ലാവർക്കും തിരിച്ച് അകത്ത് കയറാവുന്നതേയുള്ളൂവെന്നും കെപിഎസി ലളിത പറഞ്ഞു.