അബ്രാട്ടിയുടെ മോഹവും മാണിക്യന്റെ വാക്കും, ഒടിയനിലെ പാട്ട് മോഹന്‍ലാല്‍ തന്റെ ഫെയിസ്ബുക്ക് പേജിലൂടെ തുറന്ന് വിട്ട് മണിക്കൂറുകള്‍ക്കകം സംഗീതലോകം നെഞ്ചിലേറ്റിക്കഴിഞ്ഞു
19 NOVEMBER 2018 03:18 PM IST
മലയാളി വാര്‍ത്ത
' പൊന്നേ... വന്നോളാം... വന്നോളാം... നീ ചായും കൂട്ടില്‍ വന്നോളാം... നിന്നോളാം നിന്നോളാം നിന്‍ മാറില്‍ ചാരി നിന്നോളാം' പ്രഭ, മാണിക്യന് ഉറപ്പ് നല്‍കുന്നു.
ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മക്കുന്ന ഒടിയനില്‍ മോഹന്‍ലാലും മഞ്ജുവാര്യരും പാടി അഭിനയിക്കുന്ന ഈ മനോഹരഗാനത്തിന് പ്രണയാര്‍ദ്രമായ ദൃശ്യവിസ്മയമാണ് സംവിധായകന്‍ ശ്രീകുമാര്‍മേനോന്‍ ഒരുക്കിയിരിക്കുന്നത്. റഫീഖ് അഹമ്മദ് എഴുതിയ ഗാനത്തിന് എം.ജയചന്ദ്രനാണ് ഈണം പകര്‍ന്നത്. ശ്രേയാഘോഷാലും സുധീപ് കുമാറും ചേര്‍ന്ന് പ്രണയമധുരമായി ആലപിച്ചിരിക്കുന്നു.
മോഹന്‍ലാല്‍ തന്റെ ഫെയിസ്ബുക്ക് പേജിലൂടെ തുറന്ന് വിട്ട് ഈ ഗാനധാര സംഗീതലോകം നെഞ്ചിലേറ്റിക്കഴിഞ്ഞു. മൂന്ന് മണിക്കൂര്‍ പിന്നിടും മുമ്പ് മൂന്ന് ലക്ഷത്തിലധികം പേരാണ് യുട്യൂബില്‍ ഈ ഗാനം കണ്ടത്. മോഹന്‍ലാലിന്റെ ഔദ്യോഗിക ഫെയിസ്ബുക്ക് പേജില്‍ നിന്ന് അയ്യായിരത്തിലധിം പേര്‍ ഈ ഗാനം ഷെയര്‍ ചെയ്തു.
അഭിനയത്തിന്റെ രണ്ടാംവരവില്‍ മഞ്ജുവാര്യന്‍ ആദ്യമായി പാടി അഭിനയിക്കുന്ന ഡ്യൂഡറ്റാണിത്. കന്‍മദത്തിലെ മൂവന്തി താഴ്‌വരയില്‍ വെന്തുരുകും... എന്ന ഡ്യൂയറ്റില്‍ മോഹന്‍ലാല്‍ മഞ്ജുവാര്യര്‍ക്കൊപ്പം തകര്‍ത്ത് അഭിനയിച്ചിരുന്നു. സമ്മര്‍ ഇന്‍ ബത്‌ലേഹേമില്‍ മോഹന്‍ലാലിന്റെ നിരഞ്ജന്‍ എന്ന കഥാപാത്രവും മഞ്ജുവാര്യരുടെ അഭിരാമിയും തമ്മിലുള്ള പ്രണയം ഇന്നും മധുരമാണ്. മാണിക്യനും പ്രഭയും തമ്മിലുള്ള പ്രണയം വേറൊരു തലത്തിലുള്ളതാണ്. അത് പ്രേക്ഷകരെ വേറൊരു തലത്തിലെത്തിക്കും.
ശ്രേയാഘോഷല്‍ പ്രണയം ഉള്‍പ്പെടെയുള്ള മോഹന്‍ലാല്‍ ചിത്രങ്ങളില്‍ ശ്രുതിമധുരമായ ഗാനങ്ങള്‍ ആലപിച്ചിട്ടുണ്ട്. സുധീപ് കുമാര്‍ മോഹന്‍ലാലിന്റെ ശിക്കാറിലും ശ്രേദ്ധേയമായ പാട്ട് പാടി. ഇവരെല്ലാം വീണ്ടും മറ്റൊരു ഗാനത്തിന് ഒന്നിക്കുമ്പോള്‍ അത് മലയാള ചലച്ചിത്രഗാന ശാഖയ്ക്ക് വലിയ നിധിയാകും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
