തീവ്രമായ ക്യാമ്പസ് പ്രണയത്തിന്റെ കഥ പറയുന്ന ഹൃസ്വ ചിത്രമാണ് ‘ഏയ് മാഷെ’. കണ്ടുമടുത്ത ക്യാമ്പസ് പ്രണയത്തില്‍ നിന്നും വ്യത്യസ്തമായാണ് ഏയ് മാഷെയുടെ പ്രമേയം.

കലാലയത്തിലെ രാഷ്ട്രീയവും പ്രണയവുമെല്ലാം ഒരു മുഴുനീള സിനിമ പോലെയാണ് 30 മിനുട്ട് മാത്രം ദൈര്‍ഘ്യമുള്ള ഈ ഹൃസ്വ ചിത്രത്തില്‍ അവതരിപ്പിച്ചിരിക്കുന്നത്. സഖാവിനെ പ്രണയിക്കുന്ന പെണ്‍കുട്ടിയുടെ കഥ പറയുന്നതിനൊപ്പം മനുഷ്യബന്ധങ്ങളുടെ ദൃഢതയും അടുപ്പവും ആവിഷ്‌കരിച്ചിരിക്കുന്നു.

സിനിമ കണ്ട് കഴിഞ്ഞാലും ഏവരുടെയും മനസ്സിലെ ഒരു വിങ്ങലായി മാറുകയാണ് ഹരിയെന്ന സഖാവ്. ഡബ്ബിംഗ് ആര്‍ട്ടിസ്റ്റും കോമഡി ഉത്സവം ഫെയിമുമായ വിപിന്‍ ബാലനാണ് ഹരിയെന്ന കേന്ദ്ര കഥാപാത്രത്തെ അവതരിപ്പിച്ചിരിക്കുന്നത്.

ലച്ചുവാണ് നായിക. ഗംഗ് സവാറ മീഡിയയുടെ ബാനറില്‍ സജില്‍ മമ്പാടാണ് ചിത്രം സംവിധാനം ചെയ്തിരിക്കുന്നത്. റംഷീദ് മമ്പാടും ബാബു പോള്‍ തുരുത്തിയും ചേര്‍ന്നാണ് നിര്‍മാണം. ദില്‍ന പ്രവീണിന്റേതാണ് കഥ. സംഗീതം ജിഷ്ണു സുനില്‍, ക്യാമറ ജസിന്‍ ജസീല്‍.

യൂട്യൂബ് ട്രെന്‍ഡിംഗിലും ഇടം നേടിയിരിക്കുകയാണ് ചിത്രം.