തെക്കിനിയിലെ നാഗവല്ലിയുടെ ചിത്രം യഥാര്ത്ഥത്തില് ആരുടേത്?: വെളിപ്പെടുത്തലുമായി ഫാസില്
സിനിമാ പ്രേമികള് ഒന്നടങ്കം നെഞ്ചിലേറ്റിയ ചിത്രമാണ് മണിച്ചിത്രത്താഴ്.ഈ സിനിമ ഇറങ്ങിയിട്ട് ഇരുപത്തഞ്ച് വര്ഷങ്ങള് പൂര്ത്തിയാവുകയാണ്. 1993 ഡിസംബര് 25 നായിരുന്നു ചിത്രം റിലീസ് ചെയ്തത്. ചിത്രത്തിലെ ശോഭനയുടെ കഥാപാത്രം ഒരിക്കലും മറക്കാനാവാത്തതാണ്. ചിത്രത്തിലെ മികച്ച പ്രകടനത്തിന് ശോഭനക്ക് മികച്ച നടിക്കുള്ള ദേശീയ പുരസ്ക്കാരവും ലഭിച്ചിരുന്നു.
നാഗവല്ലിയെന്ന കഥാപാത്രത്തോടൊപ്പം പ്രേക്ഷരുടെ മനസ്സില് പതിഞ്ഞ ചിത്രമാണ് തെക്കിനിയിലെ ഇരുണ്ട കോണിലെ മാറാല പിടിച്ച നാഗവല്ലിയുടെ ചിത്രം. വശ്യമായ രൂപഭംഗിയുള്ള,നര്ത്തകിയായ സ്ത്രീ രൂപം സിനിമകണ്ടവര് ആരും മറക്കില്ല. നാഗവല്ലി എന്ന കഥാപാത്രത്തിന് ആദ്യം രൂപം നല്കിയത് ഈ ചിത്രമായിരുന്നു. എന്നാല് ഈ ചിത്രം യഥാര്ത്ഥത്തില് ആരുടേത് ആണെന്ന സംശയം പലര്ക്കും ഉണ്ടായിരുന്നു.
എന്നാല് ഇപ്പോള് ആ ചോദ്യത്തിന് ഉത്തരവുമായി സംവിധായകന് ഫാസില് തന്നെ രംഗത്തെത്തി. കഥാസന്ദര്ഭം പറഞ്ഞുകൊടുത്തപ്പോള് ആര്ട്ട് ഡയറക്ടര് ഭാവനയില് നിന്നും വരച്ചുകൊണ്ടുവന്ന ചിത്രമാണ് നാഗവല്ലിയുടേതെന്നും അതിനൊരു മോഡലൊന്നും ഉണ്ടായിരുന്നില്ലെന്നുമാണ് ഫാസില് പറയുന്നത്.
ആ ചിത്രം വരച്ച ആര്ട്ട് ഡയറക്ടറുടെ പേരും ഓര്മയിലേക്ക് എത്തുന്നില്ലെന്നും ഏതായാലും അദ്ദേഹം വരച്ചുകൊണ്ടുവന്ന ചിത്രം തന്റെ മനസിലുണ്ടായിരുന്ന അതേ നാഗവല്ലി തന്നെയായിരുന്നെന്നും ഫാസില് പറയുന്നു.
https://www.facebook.com/Malayalivartha