പ്രേക്ഷകര് കാത്തിരിക്കുന്ന പ്രണവ് മോഹന്ലാല് ചിത്രം ഇരുപത്തിയൊന്നാം നൂറ്റാണ്ടിലെ നായികയെ പ്രഖ്യാപിച്ചു; മോഡലിങ്ങ് രംഗത്തിലൂടെ പ്രശസ്തയായ സയ ഡേവിഡ് പ്രണവിന് നായികയായി ചിത്രത്തില്
സിനിമാ പ്രേമികള് ഏറെ ആകാംക്ഷയോടെ കാത്തിരിക്കുന്ന പ്രണവ് മോഹന്ലാല് ചിത്രം ഇരുപത്തിയൊന്നാം നൂറ്റാണ്ടിന്റെ നായികയെ പരിചയപ്പെടുത്തി കൊണ്ടുള്ള രണ്ടാമത്തെ പോസ്റ്റര് അണിയറ പ്രവര്ത്തകര് പുറത്തു വിട്ടു. മോഡലിങ്ങ് രംഗത്തിലൂടെ സിനിമയിലേക്ക് ചുവടുവെച്ച പുതുമുഖ താരം സയ ഡേവിഡും പ്രണവും ഒന്നിച്ചിരിക്കുന്ന ചിത്രത്തിന്റെ പോസ്റ്ററാണ് പ്രവര്ത്തകര് കഴിഞ്ഞ ദിവസം പുറത്തുവിട്ടത്.
വന് വരവേല്പ്പാണ് ചിത്രത്തിന്റെ പോസ്റ്ററിന് സോഷ്യല് മീഡിയിയില് ലഭിച്ചിരിക്കുന്നത്. സാഗര് ഏലിയാസ് ജാക്കി എന്ന മോഹന്ലാലിന്റെ അനശ്വര കഥാപാത്രത്തെ നെഞ്ചിലേറ്റിയ മലയാളി ആരാധകര് ഏറെ പ്രതീക്ഷയോടെയാണ് ചിത്രത്തിന്റെ റിലീസ് കാത്തിരിക്കുന്നത്.
ആക്ഷനും റൊമാന്സിനും ഏറെ പ്രാധാന്യം നല്കിയൊരുക്കുന്ന ചിത്രത്തിന്റെ ആദ്യപോസ്റ്ററില് വ്യത്യസ്ത ലുക്കിലാണ് പ്രണവ് പ്രത്യക്ഷപ്പെട്ടത്. നിറഞ്ഞ കൈയടിയോടെയാണ് ആരാധകര് ഇതിനെ വരവേറ്റത്. ചിത്രത്തില് മറ്റൊരു പ്രധാനവേഷത്തില് സുരേഷ് ഗോപിയുടെ മകന് ഗോകുല് സുരേഷും എത്തുന്നുണ്ട്.
മനോജ് കെ ജയന്, കലാഭവന് ഷാജോണ്, ധര്മജന് ബോള്ഗാട്ടി, ജി സുരേഷ് കുമാര് എന്നിവരാണ് മറ്റു പ്രധാന കഥാപാത്രങ്ങളെ ചിത്രത്തില് അവതരിപ്പിക്കുന്നത്. പുലിമുരുകനില് മോഹന്ലാലിന്റെ സംഘട്ടന രംഗങ്ങളൊരുക്കിയ സ്റ്റണ്ട് മാസ്റ്റര് പീറ്റര് ഹെയ്നാണ് ഈ ചിത്രത്തിലും ആക്ഷന് കൈകാര്യം ചെയ്തിരിക്കുന്നത്.
ചിത്രത്തില് വിഷ്വല് ട്രീറ്റുകള് ഒരുക്കുന്നത് അഭിനന്ദ് രാമാനുജനാണ്. ഗാനങ്ങള് ഗോപീസുന്ദര് നിര്വഹിച്ചിരിക്കുന്നത്. യൂത്ത് പുള്ളര് ആവും എന്നു പ്രതീക്ഷിക്കുന്ന ചിത്രത്തില് നെടുനീളന് ആക്ഷന് സ്വീകന്സുകളുണ്ടാവുമെന്നു അണിയറപ്രവര്ത്തകര് ഉറപ്പുനല്കുന്നു. ചിത്രത്തിന്റെ തിരക്കഥയും സംവിധായകന് അരുണ് ഗോപി തന്നെയാണ് നിര്വഹിച്ചിരിക്കുന്നത്. ചിത്രം ജനുവരിയില് തിയേറ്ററുകളിലെത്തും.
https://www.facebook.com/Malayalivartha
