മമ്മൂട്ടി താന്‍ അത് ചെയ്യരുതായിരുന്നു' പ്രിവ്യൂ കണ്ട സംവിധായകന്റെ മറുപടി; പിന്നീട് സംഭവിച്ചത് അദ്ഭുതം
തികച്ചും കഥാപാത്രങ്ങളെ തിരഞ്ഞുള്ള യാത്രയില്‍ അപ്രതീക്ഷിത വഴികളിലൂടെ സഞ്ചരിക്കാന്‍ ആഗ്രഹിക്കുന്ന നടനാണ് മമ്മൂട്ടി. തന്നെ ചലഞ്ച് ചെയ്യുന്ന കഥകള്‍ കഥാപാത്രങ്ങള്‍ അതു തേടിയുള്ളതാണ് അദ്ദേഹത്തിന്റെ സിനിമാ യാത്രകള്‍ എന്നു തന്നെ പറയാം. അങ്ങനെ അദ്ദേഹം കണ്ടെത്തുന്ന കഥകളും കഥാപാത്രങ്ങളും പിന്നീട് വെള്ളിത്തിരയില്‍ എത്തുമ്പോള്‍ തികച്ചും ഞെട്ടുന്നത് പ്രേക്ഷകരാണ്. മഹാനടന്റെ നിഗമനങ്ങളില്‍ 70 ശതമാനവും കൃത്യമാകാറുണ്ടെന്നാണ് സിനിമാപ്രവര്‍ത്തകരും പറയുന്നത്.
ഇമേജുകളില്‍ തന്നെ തളച്ചിടരുതെന്ന അപേക്ഷയും തന്നെ സമീപിക്കുന്ന സംവിധായകരോട് അദ്ദേഹം പങ്കുവെയ്ക്കാറുണ്ട്. ചിലപ്പോള്‍ നായകന്‍ മറ്റുചിലപ്പോള്‍ നായകനെ വെല്ലുന്ന വില്ലന്‍, ധാര്‍ഷ്ഠ്യം കാണിക്കുന്ന പോലീസുകാരന്‍, പോലീസിനെ വെല്ലുന്ന കള്ളന്‍, രാഷ്ട്രീയ നേതാവ്, അടിമ ഇങ്ങനെ അദ്ദേഹം ജീവന്‍ പകര്‍ന്നിരിക്കുന്ന കഥാപാത്രങ്ങള്‍ തന്നെ നിരവധി
മെഗാസ്റ്റാറെന്ന ഇമേജ് നിലനിര്‍ത്താനായി സിനിമകള്‍ തെരഞ്ഞെടുക്കാനും മമ്മൂട്ടി ശ്രമിക്കാറില്ലെന്നുള്ളതിന് അദ്ദേഹം ഒരു സ്വകാര്യ അഭിമുഖത്തില്‍ പറഞ്ഞ വാക്കുകള്‍ തന്നെ ഉദാഹരണം. സിനിമയില്‍ എത്തിയിട്ടു വര്‍ഷങ്ങള്‍ പിന്നിട്ടു. ചെയ്യാത്ത റോളുകള്‍ ബാക്കിയില്ല. ഇനി നമ്മെ തേടിവരുന്ന ചെറുപ്പക്കാരായ സംവിധായകര്‍ ഞാന്‍ മുഖേന രക്ഷപ്പെടുന്നെങ്കില്‍ അങ്ങനെ ആവട്ടെ. അതാണ് മമ്മൂട്ടി എന്ന നടന്‍. ഒരിക്കല്‍ ബാലു മഹേന്ദ്ര എന്ന വിഖ്യാത സംവിധായകന്‍ പുതിയ ചിത്രം പ്രഖ്യാപിക്കുന്നു. 'യാത്ര' എന്ന ചിത്രത്തില്‍ നായകനായി എത്തുന്നത് മമ്മൂട്ടി. കഥ കേട്ട ശേഷം മമ്മൂട്ടി പറഞ്ഞു ഞാനിതില്‍ അഭിനയിക്കാം. ഇമേജ് നോക്കാതെ സൂപ്പര്‍ താര പദവിയില്‍ നിന്നും താഴേക്കിറങ്ങി വന്നു മമ്മൂട്ടി ആ കഥാപാത്രം ചെയ്തു.
സിനിമ കണ്ടവര്‍ക്കറിയാം സിനിമയില്‍ ഒരു പരാജിതനാണ് മമ്മൂട്ടി. കടുത്ത മര്‍ദ്ദനം ഏറ്റുവാങ്ങേണ്ടിവരുന്ന, വിധിയുടെ വിളയാട്ടത്തില്‍ ജയിലില്‍ അടയ്ക്കപ്പെടുന്ന ഒരു നിസഹായന്‍. പക്ഷേ കഥയിലെ പ്രണയവും കഥാപാത്രത്തിന്റെ സത്യസന്ധതയും മമ്മൂട്ടിയെ ആകര്‍ഷിച്ചു.
ജോണ്‍ പോള്‍ ആയിരുന്നു 'യാത്ര'യുടെ തിരക്കഥ. പടം ഇറങ്ങുന്നതിന് മുമ്പ് പ്രിവ്യു സംഘടിപ്പിച്ചിരുന്നു. പ്രിവ്യൂ കണ്ട ശേഷം അന്നത്തെ സൂപ്പര്‍ സംവിധായകന്‍ ഐ വി ശശി ഒന്നു ഞെട്ടി. സൂപ്പര്‍ താര പരിവേഷത്തില്‍ മിന്നിതിളങ്ങിയ മമ്മൂട്ടി ഇത്ര പാവമായി അഭിനയിച്ചത് ഐ വിശശിക്ക് ഒട്ടും പിടിച്ചില്ല. 'മമ്മൂട്ടി ഇത് ചെയ്യേണ്ടിയിരുന്നില്ല' എന്ന് അദ്ദേഹം തുറന്നടിച്ചു.
പക്ഷേ പടം ഇറങ്ങിയപ്പോള്‍ കഥയാകെ മാറി. ചരിത്രം തിരുത്തിക്കുറിച്ച വിജയ ഗാഥയായി യാത്രയെന്ന സിനിമ മാറി. ആ സിനിമയിലെ ഗാനങ്ങള്‍ ഇന്നും സൂപ്പര്‍ ഹിറ്റാണ്എന്നത് മറ്റൊരു കാര്യം. മാത്രമല്ല മികച്ച നടനുള്ള സംസ്ഥാന പുരസ്‌കാരവും മമ്മൂട്ടിയെ തേടിയെത്തി.
https://www.facebook.com/Malayalivartha
