ചിത്രം റിലീസ് ചെയ്യുന്നതിന് മുൻപ് തന്നെ ചിത്രത്തിന്റെ ട്രെയ്‌ലറും ആരാധകർ ഏറ്റെടുക്കാറുണ്ട്.എന്നാൽ സിനിമയുടെ ട്രെയ്‌ലർ മലയാള സിനിമയിലെ താര രാജാക്കന്മാർ റിലീസ് ചെയ്യുന്നത് ഇത് ആദ്യമായിരിക്കും. അതും സിനിമയുടെ രണ്ടാം ഭാഗം ആണെങ്കിലോ. ആകാശഗംഗ രണ്ടാംഭാഗത്തിന്റെ ട്രെയ്‌ലർ റിലീസ് ചെയ്തത് താര രാജാക്കന്മാരായ മമ്മൂട്ടിയും മോഹന്‍ലാലും.

1999-ൽ വിനയന്റെ സംവിധാനത്തിൽ പുറത്തിറങ്ങിയ ചിത്രം ആകാശഗംഗ മലയാളികളെ സംബന്ധിച്ച് ഒരിക്കലും മറക്കാനിടയില്ല . മാണിക്യശ്ശേരി കുടുംബത്തിന്റെ ക്രൂരതയ്ക്ക് ഇരയായി കൊല്ലപ്പെടുന്ന അവിടുത്തെ ദാസിയായ ഗംഗ എന്ന പെൺകുട്ടി യക്ഷിയായി പരിണമിക്കുന്നതും, അവളുടെ പക തലമുറകളായി ഈ കുടുംബത്തിൽ വരുത്തുന്ന പ്രശ്നങ്ങളുമാണ് ഈ ചിത്രത്തിന്റെ ഇതിവൃത്തം. പ്രേക്ഷകർ ഏറ്റെടുത്ത സിനിമയായിരുന്നു ആകാശഗംഗ. ഇരുപത് വര്‍ഷങ്ങള്‍ക്ക് ശേഷം ചിത്രത്തിന്റെ രണ്ടാം ഭാഗം എത്തിയിരിക്കുകയാണ്. ദിവ്യ ഉണ്ണി അഭിനയിച്ച മായ എന്ന കഥാപാത്രം ഗര്‍ഭിണിയായി മാണിക്യശേരി കോവിലകത്ത് എത്തുന്നതോടെയാണ് ആകാശഗംഗ അവസാനിക്കുന്നത്. മായയുടെ മകള്‍ ആതിരയുടെ കഥയാണ് ആകാശഗംഗ-2 പറയുന്നത്.

മലയാളത്തിലും തമിഴിലുമാണ് ഈ ഹൊറര്‍ ചിത്രം ഒരുക്കിയിരിക്കുന്നത്. കേരള പിറവി ദിനത്തിൽ നൂറു ശതമാനം എന്‍റർടെയ്നറായി തന്റെ ചിത്രം എത്തുന്നതെന്ന് വിനയൻ തന്‍റെ ഫേസ്ബുക്ക് പേജ് വഴി അറിയിച്ചിരുന്നു . പുതുമുഖം ആരതിയാണ് രണ്ടാം ഭാഗത്തില്‍ നായികയായി എത്തുന്നത് പ്രസവത്തോടെ മായത്തമ്പുരാട്ടി മരിക്കുകയാണ് . തുടര്‍ന്ന് നടക്കുന്ന സംഭവ വികാസങ്ങളിലൂടെയാണ് ഈ ചിത്രം മുന്നോട്ടു പോകുന്നത് . രമ്യാ കൃഷ്ണന്‍, ശ്രീനാഥ് ഭാസി, വിഷ്ണു വിനയ്, വിഷ്ണു ഗോവിന്ദ്, സലിം കുമാര്‍, ഹരീഷ് കണാരന്‍, ധര്‍മ്മജന്‍ ബോള്‍ഗാട്ടി, രാജാമണി, ഹരീഷ് പേരടി, സുനില്‍ സുഗത, ഇടവേള ബാബു, റിയാസ്, രമ്യ കൃഷ്ണന്‍, പ്രവീണ, തെസ്‌നി ഖാന്‍, വത്സലാ മേനോന്‍, ശരണ്യ തുടങ്ങിയവരാണ് സിനിമയിലെ മറ്റു താരങ്ങള്‍. സിനിമയിലെ ‘പുതുമഴയായ് വന്നു നീ’ എന്ന പാട്ടിന്റെ കവര്‍ വേര്‍ഷന്‍ ചിത്രത്തിനായി ഉപയോഗിച്ചിട്ടുണ്ട്. ഇതിനോടകം വൈറലാവുകയും ചെയ്തിരുന്നു.

ക്യാമറ പ്രകാശ് കുട്ടിയും ഗാനരചന ഹരിനാരായണനും രമേശ് നാരായണനും ചേര്‍ന്നും സംഗീതം ബിജിബാലുമാണ്. ആകാശ ഗംഗയുടെ ആദ്യഭാഗം 150 ദിവസം തീയറ്ററുകളിൽ ഓടുകയും മലയാളസിനിമയിൽ ഒരു ട്രെൻഡ് സെറ്ററായി മാറുകയും ചെയ്തിരുന്നു . ദിവ്യ ഉണ്ണി, മയൂരി എന്നിവരായിരുന്നു ആദ്യഭാഗം ചിത്രത്തിൽ പ്രേത കഥാപാത്രങ്ങളായെത്തിയത്.പാലക്കാട്ടെ വെള്ളിനേഴി ഒളപ്പമണ്ണ മനയിൽ ആണ് ചിത്രത്തിന്റെ ആദ്യഭാഗം ചിത്രീകരിച്ചത് . രണ്ടാം ഭാഗത്തിന്റെ ചിത്രീകരണവും ഇവിടെ തന്നെയാണ് . ആകാശ് ഫിലിംസിന്റെ ബാനറില്‍ വിനയന്‍ തന്നെയാണ് ആകാശഗംഗ 2 നിര്‍മിച്ചിരിക്കുന്നത്.ഇനി കാത്തിരിപ്പനാണ്. വിനയന്റെ സംവിധാനത്തിൽ ഇറങ്ങുന്ന ആകാശഗംഗ രണ്ടാം ഭാഗത്തിനായി .