ചേന്ദമംഗലത്തെ ഖാദിയില്‍ പുതിയ പരീക്ഷണവുമായിപൂര്‍ണിമ ഇന്ദ്രജിത്ത്... ഇതിനായി സ്വയം ഡിസൈൻ ചെയ്ത മുണ്ടുടുത്ത് നില്‍ക്കുന്ന ചിത്രങ്ങളാണ് ഇപ്പോൾ സോഷ്യല്‍മീഡിയയില്‍ വൈറൽ ..പൂര്‍ണിമ തന്റെ ഇന്‍സ്റ്റാഗ്രാമില്‍ പങ്കുവെച്ച ചിത്രങ്ങള്‍ നിമിഷങ്ങള്‍ക്കകമാണ് ആരാധകര്‍ക്കിടയില്‍ ചര്‍ച്ചയായത്. .

മുണ്ടുടുത്ത ഞാൻ എന്ന ക്യാപ്ഷനോടെ പങ്കുവച്ച ചിത്രത്തിൽ ഖാദി കൊണ്ടുള്ള ഡ്രസ്സാണ് പൂർണിമ അണിഞ്ഞിരിക്കുന്നത്. ചിത്രവുമായി ബന്ധപ്പെട്ടു വന്ന രസകരമായൊരു ട്രോളാണ് ഇപ്പോൾ സമൂഹമാധ്യമങ്ങളുടെ ശ്രദ്ധ കവരുന്നത്

ഭാര്യയുടെ പുതിയ ഡിസൈൻ കണ്ട ഇന്ദ്രജിത്ത് നെഞ്ചത്ത് കൈവെച്ച് ദേവിയേ, എന്റെ പുതിയ സെറ്റ്മുണ്ട്
എന്ന് പറയുന്നതാണ് ട്രോളിന്റെ ഉള്ളടക്കം. ഇന്ദ്രജിത്തിന്റെ പുതിയ ഒറ്റമുണ്ടെടുത്താണ് പൂര്‍ണിമ പരീക്ഷണം നടത്തിയതെന്നാണ് അവരുടെ പക്ഷം......

അവർക്കെല്ലാം മനസ്സിലായി ഇന്ദ്രാ എന്ന കുറിപ്പോടെ പൂർണിമയും ട്രോൾ ഇൻസ്റ്റഗ്രാം സ്റ്റോറിയിൽ പങ്കുവച്ചിട്ടുണ്ട്. ഇന്ദ്രജിത്തും ട്രോൾ ഷെയർ ചെയ്തിട്ടുണ്ട്..മുണ്ടിന്റെ പുത്തന്‍ പുതു ഫാഷന്‍ സാധ്യതകള്‍ അവതരിപ്പിച്ച പൂര്‍ണിമ കേവലം തമാശയായി ഫോട്ടോഷൂട്ടിനു വേണ്ടി മാത്രം ചെയ്തതല്ല. ......

പ്രളയത്തില്‍ ദുരിതമനുഭവിച്ച ചേന്ദമംഗലത്തെ നെയ്ത്തുകാരെ സംരക്ഷിക്കാനുള്ള സേവ് ദ ലൂം എന്ന കാമ്പയിന്റെ ഭാഗമായി ചേന്ദമംഗലത്തെ ഖാദിയില്‍ പുതിയ പരീക്ഷണവുമായെത്തിയതാണ്......

2013ല്‍ പൂര്‍ണിമ സ്ഥാപിച്ച ‘പ്രാണ’ എന്ന സ്ഥാപനം കുറഞ്ഞ നാള്‍കൊണ്ടുതന്നെ ശ്രദ്ധിക്കപ്പെട്ടിരുന്നു. ഇന്ത്യന്‍, പാശ്ചാത്യ ട്രെൻഡിനൊപ്പം തന്നെ കേരള കൈത്തറിയിലും ശ്രദ്ധ പതിപ്പിച്ചുകൊണ്ടായിരുന്നു പ്രാണയുടെ പ്രവർത്തനങ്ങൾ. പ്രളയസമയത്ത് ദുരിതത്തിലകപ്പെട്ട നെയ്ത്തുകാരെ പുനരുജ്ജീവിപ്പിക്കാന്‍ ആയിട്ടുളളതാണ് ‘സേവ് ദി ലൂം’ എന്ന കൂട്ടായ്മ

കേരള സർക്കാരിന്റെ ഈ വർഷത്തെ വനിത സംരംഭകത്വ അവാർഡും പൂർണിമ നേടിയിരുന്നു. മുഖ്യമന്ത്രി പിണറായി വിജയനിൽ നിന്നുമാണ് പൂർണിമ അവാർഡ് ഏറ്റുവാങ്ങിയത്. മറ്റു സ്ത്രീകള്‍ക്ക് പ്രചോദനമാകത്തക്ക തരത്തില്‍ ജീവിതത്തിലും പ്രവര്‍ത്തന മേഖലയിലും വഹിച്ച മാതൃകാപരമായ പ്രവര്‍ത്തനങ്ങള്‍ വിലയിരുത്തിയാണ് പൂർണിമയ്ക്ക് പുരസ്കാരം നൽകിയിരിക്കുന്നത്.

മലയാളത്തിന്റെ പ്രിയപ്പെട്ട താരജോഡികളായ പൂർണിമയും ഇന്ദ്രജിത്തും പ്രണയിച്ചു വിവാഹം കഴിച്ചവരാണ്. വിവാഹത്തിന് ശേഷം 17 വർഷത്തെ ഇടവേളയ്ക്ക് ശേഷം ആഷിഖ് അബു സംവിധാനം ചെയ്ത ‘വൈറസ്’ എന്ന ചിത്രത്തിലൂടെയാണ് പൂർണിമ സിനിമാ രംഗത്തേക്ക് മടങ്ങിയെത്തിയത്. ആരോഗ്യവകുപ്പ് ഉദ്യോഗസ്ഥയുടെ വേഷത്തിലായിരുന്നു പൂർണിമ അഭിനയിച്ചത്. ചിത്രത്തിൽ മറ്റൊരു പ്രധാന വേഷത്തിൽ ഇന്ദ്രജിത്തും ഉണ്ടായിരുന്നു.

രാജീവ് രവി സംവിധാനം ചെയ്യുന്ന തുറമുഖം എന്ന ചിത്രത്തിലും പൂർണിമ അഭിനയിക്കുന്നുണ്ട്. വൈറസിലേത് പോലെ ഇത്തവണയും കൂട്ടിന് ഇന്ദ്രജിത്തുണ്ട്. പക്ഷെ രണ്ടു ചിത്രത്തിലും ഇരുവർക്കും കോമ്പിനേഷൻ രംഗങ്ങൾ ഒന്നുമില്ല