വീട്ടമ്മമാരുടെ മനസ്സിൽ വളരെ പെട്ടെന്ന് സ്ഥാനം പിടിച്ച സീരിയലാണ് കുടുംബവിളക്ക്. സുമിത്രയെന്ന വീട്ടമ്മയും അവരുടെ ജീവിതത്തിനോടുള്ള പോരാട്ടവുമെല്ലാമാണ് സീരിയലിന്റെ പ്രമേയം. തുടക്കത്തിൽ വെറും കണ്ണീരും കൈയ്യും മാത്രമായിരുന്നു സീരിയൽ.

ക്ലീഷേ സീരിയൽ മാതൃകയാണ് കുടുംബവിളക്കും അനുകരിക്കുന്നതെന്ന് കുറ്റപ്പെടുത്തി തുടക്കത്തിൽ പ്രേക്ഷക സ്വീകാര്യത സീരിയലിനുണ്ടായിരുന്നില്ല. പിന്നീട് സുമിത്ര എന്ന പ്രധാന കഥാപാത്രം കുറച്ച് കൂടി തന്റേടത്തോടെയും കണ്ണീരൊഴിവാക്കി കൃത്യമായ തീരുമാനങ്ങൾ എടുക്കുന്നതിലും വിജയം നേടുന്നതിലും പ്രാപ്തയായതോടെയാണ് സീരിയൽ പ്രേക്ഷകരെ ആകർഷിച്ച് തുടങ്ങിയത്.

സ്വന്തം ഭർത്താവിനെ ജീവന് തുല്യം സ്നേഹിച്ചിട്ടും, അടുക്കളയ്ക്കുള്ളിൽ കിടക്കുന്ന ഒരു വീട്ടമ്മയായ സ്ത്രീയെ ഉൾക്കൊള്ളാൻകഴിയില്ല എന്ന മനോഭാവത്തോടെയാണ്, സിദ്ധാർഥ് സുമിത്രയിൽ നിന്നും വിവാഹമോചനം നേടിയതിനു ശേഷം വേദികയെ വിവാഹം കഴിക്കുന്നത്. തന്റെ സങ്കല്പത്തിന് ഒത്ത ഭാര്യയാണ് വേദിക യെന്നായിരുന്നു സിദ്ധു പലതവണ പറഞ്ഞിരുന്നത്.

എന്നാൽ, വിവാഹത്തിന് ശേഷമാണ് വേദികയുടെ ക്രൂരമായ സ്വഭാവം സിദ്ധു മനസിലാക്കുന്നത്. സുമിത്രയോട് പക തീർക്കുക, അല്ലെങ്കിൽ സുമിത്രയെ ഇല്ലാതാക്കുക എന്നതുമാത്രമാണ് വേദികയുടെ ലക്‌ഷ്യം പക്ഷെ, അതൊക്കെ എല്ലായിപ്പോഴും പാഴായി പോയിട്ടേയുള്ളൂ....

സിദ്ധാർഥ്, ജീവിതത്തിൽ നിന്നും പിന്മാറിയത്തോടുകൂടി.... ഇനി തളർന്നു പോകുമെന്ന് പറഞ്ഞവരുടെ മുന്നിൽ ഇരട്ടി ശക്തിയോടുകൂടി നല്ലൊരു ബിസിനസ് കാരിയായാണ് സുമിത്ര ഉയർന്നു വന്നത്. ഇതും വേദികയെയും അവളുടെ എല്ലാ കൊള്ളരുതായ്മയ്ക്കും കൂട്ട് നിൽക്കുന്ന സരസ്വതിയമ്മയെയും ശരണ്യയെയും ചെറുതായിട്ടൊന്നുമല്ല ചൊടിപ്പിച്ചതെന്നും നമ്മൾ കണ്ടതാണല്ലോ...

ഇത്തരത്തിലെ പ്രവൃത്തിയിൽ സഹികെട്ട സിദ്ധു വേദികയെ ജീവിതത്തിൽ നിന്നും ഒഴിവാക്കിയിരിക്കുകയാണ് ... പതിനെട്ട് അടവും പയറ്റി സിദ്ധാർഥിന്റെ വീട്ടിൽ തിരികെ എത്താനുള്ള ശ്രമത്തിലാണ് വേദിക. ഇതിന്റെ ഭാ​ഗമായി താൻ ​ഗർഭിണിയാണെന്ന് വരെ വേദിക പറഞ്ഞ് പരത്തി സിദ്ധാർഥിനേയും ബന്ധുക്കളേയും കബിളിപ്പിച്ചിരുന്നു.

എന്നാൽ നീർക്കുമിളയുടെ ആയുസ് മാത്രമെ വേദികയുടെ ആ കള്ളത്തിന് ഉണ്ടായിരുന്നുള്ളൂ. വേദികയ്ക്ക് ​ഗർഭിണിയാകാൻ കഴിയില്ലെന്ന് സമ്പത്ത് സിദ്ധാർഥിനെ അറിയിച്ചതോടെയാണ് വേദികയുടെ കള്ളങ്ങൾ പൊളിഞ്ഞത്.

പുതിയ പ്രൊമോയിൽ വേദികയുടെ മുൻ ഭർത്താവ് സിദ്ധുവിനോട് സുമിത്രയെ വീണ്ടും ജീവിതത്തിലേക്ക് സ്വീകരിക്കണമെന്നാണ് പറയുന്നത്. പക്ഷെ, അതിന് സിദ്ധു നല്ലൊരു മറുപടി നൽകുന്നുണ്ട്. അതിന് നല്ലൊരു കൈയ്യടി കൊടുത്തേ മതിയാകൂ...

"സുമിത്രയെ കുറിച്ചുള്ള സമ്പത്തിന്റെ കാൽകുലേഷൻ തെറ്റിപ്പോയി, ഞാൻ ഇന്ന് മറ്റൊരാളുടെ ഭർത്താവാണ്, അങ്ങനെയൊരാളെ സ്വന്തമാക്കണമെന്നുള്ള ചിന്താഗതിയുള്ള മോശപ്പെട്ട സ്ത്രീയല്ല അവൾ." എന്നാണ് സിദ്ധാർഥ് സമ്പത്തിനോട് പറയേണ്ടത്.

അതെന്തയാലും കൊള്ളാമല്ലേ... സ്ത്രീ ഒരിക്കലും കളിപ്പാട്ടമല്ല, തന്നെ ഉപേക്ഷിച്ചു പോയ ഒരു പുരുഷൻ വീണ്ടും വന്നാൽ തന്റെ ജീവിതത്തിലേക്ക് സ്വീകരിക്കാൻ എന്ന് സിദ്ധാർത്ഥിന്റെ വാക്കുകളിലൂടെ വ്യക്തമാക്കുന്നു.

പക്ഷെ, ഇത്തരത്തിലെ ഉയർന്ന ചിന്താഗതിയുള്ള സമ്പത്തിന്റെ സംസാരം ശെരിയാണോ?? വേർ പിരിഞ്ഞവരെ എന്തിനാണ് വീണ്ടും ഒന്നിപ്പിക്കാൻ ശ്രമിക്കുന്നത്. ഒരിക്കലും അതിന്റെ ആവശ്യമില്ലെന്നാണ് തോന്നുന്നത്.

കാരണം സ്ഥിരം ക്ളീഷേകളിൽ നിന്നും വ്യത്യസ്തമായി, ഉപേക്ഷിച്ചു പോയ ഭർത്താവിന്റെ കാല് പിടിയ്ക്കാൻ പോകാത്ത നല്ലൊരു സ്ത്രീയെയാണ് സുമിത്ര, അതുകൊണ്ട് തന്നെയാണ് പ്രേക്ഷകർ ഈ കഥാപാത്രത്തെ ഇഷ്ട്ടപെടുന്നത്. സുമിത്ര ബോൾഡ് ആയി ഇപ്പോഴത്തെ പോലെ മുന്നോട്ട് പോകേണം.

സ്വന്തം ദാമ്പത്യ ജീവിതം തകർത്ത് മറ്റൊരുത്തിയുടെ കൂടെ പോയ ഒരു ഭർത്താവിനെ വീണ്ടും എന്തിന് സ്വീകരിക്കണം?? നല്ലൊരു സീരിയലായിട്ടാണ് ഇപ്പോൾ കുടുംബവിളക്ക് മുന്നോട്ട് പോകുന്നത്, അതിനിടയിൽ സുമിത്രയും സിദ്ധാർഥും ഒന്നിച്ചാൽ ഇപ്പോഴുള്ള പ്രേക്ഷകർ കൂടി പിന്മാറും...

ഇന്നത്തെ സമൂഹം, സാധരണ ഒരു വീട്ടമ്മയെ അല്ല, ആഗ്രഹിക്കുന്നത്... ഭർത്താവ് ഉപേക്ഷിച്ചാലും സ്വന്തമായി ജീവിക്കുന്ന നിരവധി സ്ത്രീകളുടെ പ്രതിനിധി കൂടിയാണ് സുമിത്രയെന്നാണ് പുതിയ പ്രൊമോയിലെ കമെന്റുകളിലൂടെ ആരധകർ പറയുന്നത്. അതുകൊണ്ട് ദയവു ചെയ്‌തു ഡയറക്ടർ സാർ, രണ്ടു പേരെയും ഒന്നിപ്പിക്കരുതെന്നും, പറയാൻ പ്രേക്ഷകർ മറന്നിട്ടില്ല...

വേദിക, സ്വയം തകർന്നിരിക്കുന്ന അവസരത്തിൽ സുമിത്രയെയും കുടുംബത്തെയും തകർക്കാൻ കച്ചകെട്ടി ഇറങ്ങിയിരിക്കുകയാണ് ഇന്ദ്രജ. ഇന്ദ്രജയോടുള്ള ദേഷ്യവും ആരാധകർ പങ്കുവെക്കുന്നുണ്ട്. വേദികയുടെ മറ്റൊരു പതിപ്പാണ് ഇന്ദ്രജയെന്നും ചില ആരാധകർ അഭിപ്രായപ്പെട്ടു. നേരത്തെയും ഇന്ദ്രജയുടെ പേരിൽ അനിരുദ്ധും സുമിത്രയും തമ്മിൽ വാക്കുതർക്കമുണ്ടായിരുന്നു.

ഇന്ദ്രജയുമായുള്ള അനിരുദ്ധിന്റെ കൂട്ടുകെട്ട് സുമിത്രയും മറ്റ് കുടുംബാം​ഗങ്ങളും ഭയത്തോടെയാണ് കാണുന്നത്. സുമിത്രയേയും രോ​ഹിത്തിനേയും കുറിച്ച് നിരവധി നുണകൾ ഇന്ദ്രജ അനിരുദ്ധിന് പറഞ്ഞ് കൊടുക്കുന്നതും പുതിയ പ്രമോയിൽ കാണാം അതുകൊണ്ട് തന്നെ വരും ദിവസങ്ങളിൽ സുമിത്രയും അനിരുദ്ധും തമ്മിൽ പൊട്ടിത്തെറികൾ ഉണ്ടാകാനും സാധ്യതയുണ്ട്.