അറിയപ്പെടുന്നൻ സെലിബ്രിറ്റി മേക്കപ്പ് ആർട്ടിസ്റ്റാണ് രഞ്ജു രഞ്ജിമാർ. താരം പങ്കുവയ്ക്കുന്ന ചിത്രങ്ങൾ ഏറെ ശ്രദ്ധ നേടാറുണ്ട്. ഇപ്പോഴിതാ തനറെ പിറന്നാൾ ദിനമായ ഇന്ന് ഏറെ വൈകാരികമായ കുറിപ്പ് പങ്കുവച്ചിരിക്കുകയാണ്. ഓരോ ജന്മദിനവും അങ്ങനെ കടന്നുപോയ്ക്കൊണ്ടിരുന്നു ജീവിതത്തിലെ പല ഘട്ടങ്ങളും മാറി മാറി വന്നു സന്തോഷവും ദുഃഖവും ആരോപണങ്ങളും അധിക്ഷേപങ്ങളും വിമർശനങ്ങളും കുത്തുവാക്കുകളും ഇതിനെല്ലാം ഇടയിൽ നിന്നുകൊണ്ട് ജീവിക്കാൻ ഞാൻ കുറേ കഷ്ടപ്പെട്ടിട്ടുണ്ട് ആരും തെളിച്ചു തന്ന വഴിയിലൂടെ അല്ല ഞാൻ സഞ്ചരിച്ചത് ഞാൻ സ്വയം തെളിച്ച വഴിയിലൂടെ ആയിരുന്നു എന്നും കുറിക്കുകയാണ്.

ഫേസ്ബുക്ക് കുറിപ്പ് ഇങ്ങനെ;

ഇന്നെന്റെ ജന്മദിനമാണ് ആഘോഷങ്ങളില്ല ആർഭാടങ്ങൾ ഇല്ല, എന്റെ ജീവിതത്തിൽ ഒരു കേക്ക് കട്ടിംഗ്, പുതിയ വസ്ത്രങ്ങൾ ഇടുക ഇവയൊന്നും ഉണ്ടായിരുന്നില്ല, 15 വയസ്സു മുതൽ ജീവിതസാഹചര്യങ്ങൾ സ്വയം ഏറ്റെടുത്ത് ആഘോഷങ്ങൾ എല്ലാം തന്നെ ഞാൻ മറന്നു പോയിരുന്നു. ഓരോ ജന്മദിനവും അങ്ങനെ കടന്നുപോയ്ക്കൊണ്ടിരുന്നു ജീവിതത്തിലെ പല ഘട്ടങ്ങളും മാറി മാറി വന്നു സന്തോഷവും ദുഃഖവും ആരോപണങ്ങളും അധിക്ഷേപങ്ങളും വിമർശനങ്ങളും കുത്തുവാക്കുകളും ഇതിനെല്ലാം ഇടയിൽ നിന്നുകൊണ്ട് ജീവിക്കാൻ ഞാൻ കുറേ കഷ്ടപ്പെട്ടിട്ടുണ്ട് ആരും തെളിച്ചു തന്ന വഴിയിലൂടെ അല്ല ഞാൻ സഞ്ചരിച്ചത് ഞാൻ സ്വയം തെളിച്ച വഴിയിലൂടെ ആയിരുന്നു അതുകൊണ്ടുതന്നെ യാത്ര ക്ലേശകരമായിരുന്നു ആരുടെയൊക്കെ സഹായം പ്രോത്സാഹനങ്ങൾ മുന്നോട്ടു ജീവിക്കാൻ ഉപകാരമായി.

കമ്മ്യൂണിറ്റിക്കിടയിലേക്ക് വരുമ്പോൾ ഒരാളെയെങ്കിലും രക്ഷപ്പെടുത്തണം എന്ന് ഒരു ആഗ്രഹം ആയിരുന്നു പലരെയും രക്ഷപ്പെടുത്താൻ ശ്രമിച്ചു ചിലർ രക്ഷപ്പെട്ടു ചിലർ പാതിവഴിയിൽ,എന്നാലും മനസ്സിന് ഒരു സമാധാനവും സന്തോഷവും ഉണ്ട് കുറച്ചുപേരെങ്കിലും എന്റെ വഴിയിലൂടെ സഞ്ചരിക്കാൻ കഴിഞ്ഞു എന്നുള്ളത് സ്വന്തമായി അധ്വാനിച്ച് ആ പണം നമ്മുടെ കയ്യിൽ കിട്ടുമ്പോൾ നമ്മുടെ ഹൃദയത്തിൽ ഉണ്ടാകുന്ന സന്തോഷവും നമ്മുടെ മുഖത്ത് കാണുന്ന പ്രകാശവും അതൊരിക്കലും മറ്റുള്ള സ്ഥലങ്ങളിൽ കിട്ടില്ല. എന്നിട്ടും വിമർശനങ്ങൾ മാത്രമായിരുന്നു പലപ്പോഴും സമ്മാനം, ചില ജന്മദിനങ്ങൾ എന്റെ മക്കൾ സർപ്രൈസ് ആയിട്ട് തരുന്ന ആഘോഷങ്ങൾ എന്നെ ഒരുപാട് സന്തോഷിപ്പിച്ചിട്ടുണ്ട്. ഇന്നു ഞാൻ അത് അനുഭവിക്കുന്നു. എന്നെ സ്നേഹിക്കുന്നവരോടൊപ്പം ഇന്ന് എന്റെ ജന്മദിനം ആഘോഷിക്കാൻ കഴിയാത്തതിന്റെ വിഷമം മാത്രമേ ഉള്ളൂ.

അതിൽ എന്റെ മക്കളും വിഷമിക്കുന്നുണ്ട്. പുതിയ വസ്ത്രങ്ങൾ ഇടുകയോ കേക്ക് കട്ട് ചെയ്യുകയോ അതെല്ലാം സെലിബ്രേറ്റ് ചെയ്യുകയോ ഇതൊന്നുമല്ല എന്റെ ജീവിതത്തിന്റെ കാഴ്ചപ്പാട്. നമ്മുടെ താങ്ങിനിർത്താൻ ആരെങ്കിലും ഉണ്ടെങ്കിൽ മാത്രമേ ഒരു മുള്ളു കൊണ്ടാലും നമ്മൾ സങ്കടപ്പെട്ടു ഇരിക്കുകയുള്ളൂ, എന്നാൽ നമ്മളെ താങ്ങാൻ നമ്മൾ മാത്രമേ ഉള്ളൂ എന്ന ചിന്ത നമുക്കുണ്ടെങ്കിൽ ഏത് പ്രതിസന്ധിയും തരണം ചെയ്യാം എന്ന് ഞാൻ പഠിച്ചു,,, എന്നെ ബർത്തഡേ വിഷസ് അറിയിച്ചവരിൽ ഒരു ശബ്ദം എനിക്ക് നഷ്ടമായി... പക്ഷേ നിന്റെ ശബ്ദം എന്നും എന്റെ ഹൃദയത്തിൽ ഉണ്ട്.