മലയാള സീരിയൽ ആരാധകരുടെ ഇടയിലേക്ക് വേറിട്ട കഥയുമായി കടന്നു വന്ന ടീമാണ് സാന്ത്വനം. അഞ്ജലി - ശിവന്‍ ജോഡികളുടെ ഇണക്കവും പിണക്കവും ബാലന്റെ കുടുംബത്തിലെ ഒത്തൊരുമയുമാണ് സാന്ത്വനത്തെ ജനകീയമാക്കിയത്.

തമിഴിലെ പാണ്ഡിയന്‍ സ്റ്റോര്‍ എന്ന സീരിയലിന്റെ മലയാളം പതിപ്പാണ് സാന്ത്വനം. തമിഴിലെ കതിർ മുല്ലൈയുടെ പ്രണയവും ഇഷ്ടവും എല്ലാം മലയാളത്തിലേക്ക് വരുമ്പോൾ ശിവാജ്ഞലിമാർ കാണിക്കുന്നുണ്ട്. സാന്ത്വനം സീരിയൽ കാണുന്ന ഒട്ടുമിക്ക യുവാക്കളും തമിഴിലെ പാണ്ഡിയൻ സ്റ്റോഴ്‌സും കാണുന്നവരാണ്. അതുകൊണ്ട് തന്നെ, ഒട്ടുമിക്കപേരും ശിവാജ്ഞലിയെയും കതിർമുല്ലൈയെയും താരതമ്യം ചെയ്യാറുമുണ്ട്.

പക്ഷെ, ഏത് സീനെടുത്തലും കതിർ മുല്ലൈ ചെയ്തിട്ടുള്ള എല്ലാ റൊമാന്റിക് സീനായാലും, സീരിയസായിട്ടുള്ളതായാലും.. ശിവാജ്ഞലിമാരും നന്നായിട്ടു തന്നെയാണ് ചെയ്യുന്നത്. അതുകൊണ്ട് തന്നെ ആരാണ് ബേസ്ഡ് എന്ന് ചോദിച്ചാൽ ഒരു ഉത്തരം പറയാൻ കഴിയില്ല.

പക്ഷെ, ശിവാഞ്ജലി മാരുടെ പ്രണയവും ഇഷ്ടവും എല്ലാം തമിഴില്‍ ഉള്ളത് പോലെ തന്നെ മലയാളത്തിലും കാണിക്കുന്നുണ്ട് എങ്കിലും, തമിഴിലെ കഥയുമായി ഒരുപാട് വ്യത്യാസം മലയാളത്തിലെത്തുമ്പോള്‍ ഉണ്ട്.

കാലത്തിന്റേതും, സാഹചര്യങ്ങളുടെയും സംസ്‌കാരത്തിന്റേതുമായ മാറ്റങ്ങളാണ് ആദ്യത്തേത്. ഭാര്യയ്ക്ക് മുല്ലപ്പൂ കൊണ്ടു കൊടുക്കുന്നതും തലയില്‍ ചൂടുന്നതും എല്ലാം അവരുടെ സംസ്‌കാരത്തിന്റെ ഭാഗമാണ്. മലയാളത്തിലേത്തുമ്പോള്‍ അത് മുഴച്ചു നില്‍ക്കും. ചില സാഹചര്യങ്ങളും മലയാളത്തിലെത്തുമ്പോള്‍ അതി നാടകീയമായി തോന്നാം എന്നത് കൊണ്ടു തന്നെ ചില സാഹചര്യങ്ങളിൽ ഒഴിവാക്കിയിട്ടുണ്ട്.

ഞങ്ങള്‍ക്ക് വേണ്ടിയാണ് ഏട്ടനും ഏട്ടത്തിയും കുഞ്ഞുങ്ങള്‍ വേണ്ട എന്ന് വച്ചത് എന്ന് കതിര്‍ (ശിവന്‍) തിരച്ചറിയുന്ന രംഗങ്ങളും തമിഴിലുണ്ട്. ഇത് മനസ്സിലാക്കുന്ന ജഗന്‍ (സേതു) മൂര്‍ത്തിയുമായി വഴക്കിടുന്നതും അവരുടെ സൗഹൃദത്തില്‍ അത് വിള്ളലുണ്ടാക്കുന്നതും ഒക്കെ മലയാളത്തിലെത്തിയപ്പോള്‍ ഒഴിവാക്കി. അടുത്തിടെ സേതു എന്ന കഥാപാത്രം പോലും മലയാളത്തില്‍ ഇല്ല.

ധനലക്ഷ്മി എന്ന ധനത്തിന് (മലയാളത്തില്‍ ശ്രീദേവി എന്ന ദേവി) കുഞ്ഞുങ്ങള്‍ ഉണ്ടാകാത്തത് നല്ലൊരു ഡോക്ടറെ കണ്ടാല്‍ മാറ്റാവുന്ന പ്രശ്‌നമാണെന്ന് കതിറും (ശിവന്‍) മുല്ലയും (അഞ്ജലി) മനസ്സിലാക്കുന്നതും ദേവിയെ നിര്‍ബന്ധിച്ച് ആശുപത്രിയിലേക്ക് അയക്കാന്‍ ശ്രമിയ്ക്കുന്നതുമൊക്കെ പാണ്ഡിയന്‍ സ്റ്റോറില്‍ കാണാം..

ശിവനെ പൊലീസ് പിടിയ്ക്കുന്നതാണ് മറ്റൊരു സംഭവം. അഞ്ജലിയുടെ വീട്ടില്‍ എത്തുമ്പോള്‍ അവിടെ കടക്കാരന്‍ വന്ന് പ്രശ്‌നമുണ്ടാക്കുന്നതും, വീട്ടിലെ സ്ത്രീകളെ കുറിച്ച് മോശമായി സംസാരിച്ചപ്പോള്‍ ശിവന്‍ തല്ലുന്നതും തമിഴിലുണ്ട്. ഇതേ തുടര്‍ന്ന് ശിവനെ അറസ്റ്റ് ചെയ്യുന്നതൊക്കെയായിട്ടാണ് കുറേ എപ്പിസോഡുകള്‍ പോകുന്നത്. അങ്ങനെ ഒരുപാട് മാറ്റങ്ങള്‍ ഒറിജിനലില്‍ നിന്നും മലയാളത്തിലെത്തുമ്പോള്‍ വന്നിട്ടുണ്ട്.