'ഗോപിയാശാന് ദുശാസനന് കെട്ടിയാടുന്നത് പോലെയാണോ മമ്മൂട്ടിയുടെ ആണത്ത അഴിഞ്ഞാട്ടം': ജോയ് മാത്യുവിന്റെ ഫേസ്ബുക്ക് പോസ്റ്റിന് സനല് കുമാര് ശശിധരന്റെ മറുപടി
കസബ വിവാദത്തില് സംവിധായകനും നടനുമായ ജോയ് മാത്യുവിന് മറുപടിയുമായി സംവിധായകന് സനല് കുമാര് ശശിധരന്. മമ്മൂട്ടിയെപ്പോലെ വ്യക്തി ജീവിതത്തില് ഇത്രയേറെ സ്ത്രീകളെ ബഹുമാനിക്കുന്ന മറ്റൊരാളെ താന് കണ്ടിട്ടില്ലെന്നായിരുന്നു ജോയ് മാത്യുവിന്റെ ഫെയ്സ്ബുക്ക് പോസ്റ്റ്. അഭിനയിക്കുന്ന കഥാപാത്രങ്ങളുടെ പേരിലാണ് ഒരു നടന് വിമര്ശിക്കപ്പെടുന്നതെങ്കില് ദുശാസന വേഷം അഭിനയിക്കുന്ന കഥകളി നടന് ഗോപി ആശാനെ നാം എന്തു ചെയ്യണമെന്നും ജോയ് മാത്യു ചോദിച്ചിരുന്നു.
കസബ വിവാദത്തില് സംവിധായകനും നടനുമായ ജോയ് മാത്യുവിന് മറുപടിയുമായി സംവിധായകന് സനല് കുമാര് ശശിധരന്. മമ്മൂട്ടിയെപ്പോലെ വ്യക്തി ജീവിതത്തില് ഇത്രയേറെ സ്ത്രീകളെ ബഹുമാനിക്കുന്ന മറ്റൊരാളെ താന് കണ്ടിട്ടില്ലെന്നായിരുന്നു ജോയ് മാത്യുവിന്റെ ഫെയ്സ്ബുക്ക് പോസ്റ്റ്. അഭിനയിക്കുന്ന കഥാപാത്രങ്ങളുടെ പേരിലാണ് ഒരു നടന് വിമര്ശിക്കപ്പെടുന്നതെങ്കില് ദുശാസന വേഷം അഭിനയിക്കുന്ന കഥകളി നടന് ഗോപി ആശാനെ നാം എന്തു ചെയ്യണമെന്നും ജോയ് മാത്യു ചോദിച്ചിരുന്നു.
സനല് കുമാര് ശശിധരന്റെ ഫെയ്സ്ബുക്ക് പോസ്റ്റ്
അല്ല, മമ്മൂട്ടി എന്ന നടനെ ആരാണ് ആക്രമിച്ചത്? വിമർശനത്തെ ആക്രമിക്കലായി മനസിലാക്കുന്നത് എന്തുതരം മനോഭാവമാണ്? മമ്മൂക്ക എന്ന് അദ്ദേഹത്തെ ആരെങ്കിലും വിളിച്ചാൽ അത് താരാരാധനയാണെന്ന് വിധിയെഴുതുന്നത് എന്തൊരെടുത്തുചാട്ടമാണ്?വിമർശിക്കണമെങ്കിൽ എടാ പോടാ എന്നോ കുറഞ്ഞ പക്ഷം മിഷ്ടർ എന്നെങ്കിലും വിളിച്ച് ദൂരെ നിർത്തണമെന്നത് എന്തുതരം സാമാന്യ നിയമം? ഗോപിയാശാൻ ദുശാസനൻ കെട്ടിയാടുന്നപോലെയാണോ മമ്മൂട്ടിയുടെ ധീരോദാത്തനതിപ്രതാപഗുണവാൻ നായകന്മാർ അങ്ങേയറ്റം ആണത്തത്തിന്റെ നാണമില്ലാത്ത അഴിഞ്ഞാട്ടം നടത്തുന്നത്? കണ്ണടച്ചാൽ ഇരുട്ടാവുമെന്നോ? ഇരുട്ടാക്കിയാൽ നാട്ടുകാരെ പറ്റിക്കാമെന്നോ?
ജോയ് മാത്യുവിന്റെ ഫെയ്സ്ബുക്ക് പോസ്റ്റ്
മമ്മുട്ടി എന്ന നടനെ ആക്രമിക്കുന്ന സിനിമയിലെ പെണ്ണുങ്ങൾ എല്ലാം തന്നെ" മമ്മുക്ക മമ്മുക്ക" എന്ന് തന്നെ വിളിക്കാൻ കാരണം അദ്ദേഹത്തോടുള്ള ബഹുമാനം കൊണ്ടാണെന്ന് എനിക്ക് തോന്നുന്നില്ല, മറിച്ച് അവരുടെയൊക്കെയുള്ളിൽ കിടക്കുന്ന മമ്മുട്ടി എന്ന താരത്തോടുള്ള ആരാധന കൊണ്ടുതന്നെയാണു ? അല്ലെങ്കിൽ എന്ത് കൊണ്ടാണു ഇപ്പറഞ്ഞ പെണ്ണുങ്ങളിലാരും "മിസ്റ്റർ മമ്മുട്ടി "എന്ന് അഭിസംബോധന ചെയ്യാൻ ധൈര്യം കാണിക്കാത്തത് അതല്ലെ അതിന്റെയൊരു അന്തസ്സ് .വ്യക്തി ജീവിതത്തിൽ സ്ത്രീകളെ ഇത്ര ബഹുമാനിക്കുന്ന മറ്റൊരാളെ സിനിമാ ലോകത്ത് ഞാൻകണ്ടിട്ടില്ല .അഭിനയിക്കുന്ന കഥാപാത്രങ്ങളുടെ പേരിലാണു ഒരു നടനെ വിമർശ്ശിക്കുന്നതെങ്കിൽ ദുശ്ശാസന വേഷം അഭിനയിക്കുന്ന കഥകളി നടൻ ഗോപി ആശാനെ നാം എന്തു ചെയ്യണം?
https://www.facebook.com/Malayalivartha
