തനിക്കുവേണ്ടി പ്രതികരിക്കാൻ ആരെയും ചുമതലപ്പെടുത്തിയിട്ടില്ല; അഭിപ്രായ സ്വാതന്ത്രത്തിനു വേണ്ടി നിലകൊള്ളണം; പാർവതിയെ നേരത്തെ തന്നെ ആശ്വസിപ്പിച്ചിരുന്നു; ഒടുവിൽ പ്രതികരണവുമായി മമ്മൂട്ടി
കസബ സിനിമയുമായി ബന്ധപ്പെട്ട് തുടരുന്ന വിവാദത്തിൽ പ്രതികരണവുമായി മമ്മൂട്ടി. തനിക്കു വേണ്ടി പ്രതികരിക്കാനോ പ്രതിരോധിക്കാനോ ആരേയും ഇന്നേ വരെ ചുമതലപ്പെടുത്തിയിട്ടില്ല. സ്വതന്ത്രവും സഭ്യവുമായ അഭിപ്രായ സ്വാതന്ത്ര്യത്തിന് വേണ്ടിയാണ് നമ്മളെല്ലാം നിലകൊള്ളേണ്ടത്. അര്ത്ഥവത്തായ സംവാദങ്ങളാണ് നമ്മുക്ക് വേണ്ടതെന്നും അദ്ദേഹം വ്യക്തമാക്കി.
നേരത്തെ പാര്വതി തന്നെ ഇക്കാര്യം തന്നോട് പറഞ്ഞിരുന്നുവെന്നും ഇതൊന്നും സാരമാക്കേണ്ടതില്ലെന്നും പറഞ്ഞ് അന്ന് തന്നെ ആശ്വസിപ്പിച്ചിരുന്നുവെന്നും മമ്മൂട്ടി പറഞ്ഞു. കസബ സിനിമയെ പറ്റിയുള്ള പാർവതിയുടെ പരാമർശത്തിനെതിരെ സോഷ്യൽ മീഡിയയിൽ വലിയ തരത്തിലുള്ള പ്രതിഷേധമാണ് ഉണ്ടായത്. നടിക്കെതിരെ അസഭ്യം പറയുകയും മോശം സന്ദേശങ്ങൾ അയയ്ക്കുകയും ചെയ്തതോടെ പാർവതി സൈബർ സെല്ലിൽ പരാതി നൽകിയിരുന്നു. ഇതേ തുടർന്ന് ഒരാളെ അറസ്റ്റ് ചെയ്യുകയും ചെയ്തു.
https://www.facebook.com/Malayalivartha