ആട് 3 ഫാൻ മെയ്ഡ് പോസ്റ്റർ ക്ലിക്കായി... വരുന്നു ആടിന്റെ മൂന്നാം ഭാഗം
തീയേറ്ററുകളിൽ നിറഞ്ഞേടുന്ന ആട് രണ്ടിന്റെ മൂന്നാം ഭാഗത്തെ കുറിച്ച് അണിയറ പ്രവർത്തകർ ആലോചന തുടങ്ങി. ഒന്നാം ഭാഗം സമ്പൂർണ പരാജയമായിരുന്നു. രണ്ടാം ഭാഗം വൻ വിജയമായതോടെയാണ് മൂന്നാം ഭാഗത്തെ കുറിച്ചുള്ള ആലോചനകൾ സജീവമായത്. ചിത്രത്തിന്റെ നിർമ്മാതാവും നടനുമായ വിജയ് ബാബുവാണ് ചിത്രത്തിന്റെ സാധ്യതയെ കുറിച്ച് പറഞ്ഞത്. ആട് ഒന്നിന്റെ പരാജയം തങ്ങൾ തിരിച്ചറിഞ്ഞതായി അദ്ദേഹം പറയുന്നു.
ആട് തീർത്തും ഒരു പരീക്ഷണമായിരുന്നു. പരീക്ഷണ ചിത്രങ്ങൾക്ക് സംഭവിക്കുന്ന പരാജയമാണ് ആടിനും ഉണ്ടായത്. ആദ്യഭാഗം റിലീസായതോടെ പരാജയം തിരിച്ചറിഞ്ഞു. അങ്ങനെ ചിത്രം എഡിറ്റ് ചെയ്തു. എഡിറ്റിഗ്ഗിനു ശേഷം സെൻസർ ചെയ്തു. അപ്പോൾ റിലീസ് കഴിഞ്ഞ് അഞ്ച് ദിവസമായിരുന്നു. അതോടെ ചിത്രം തീയേറ്ററുകളിൽ നിന്ന് പിൻവാങ്ങി തുടങ്ങിയിരുന്നു. റ്റി വിയിൽ പ്രേക്ഷകർ കണ്ടത് റീമേക്ക് ചെയ്ത ചിത്രമാണ്. അതുകൊണ്ടാണ് സിനിമക്ക് ഇത്രയേറെ ആരാധകരുണ്ടായത്.
രണ്ടാം ഭാഗത്തിൽ ഒന്നാം ഭാഗത്തിന്റെ ന്യൂനതകളൊക്കെ മനസിലാക്കി. ഒന്നാം ഭാഗത്തിന്റെ പാളിച്ചകൾ മനസിലാക്കിയപ്പോഴാണ് രണ്ടാം ഭാഗം ഇത്രയേറെ വിജയിച്ചത്. ഇനി മൂന്നാം ഭാഗം ഇറക്കിയാലും വിജയിക്കാനാണ് സാധ്യതയെന്ന് വിജയ് ബാബു പറഞ്ഞു. ഒരു ജയസൂര്യ ചിത്രം ഇത്രയേറെ വിജയമാകുന്നത് ഇതാദ്യമാണ്. ജയസൂര്യക്ക് അദ്ദേഹത്തിന്റെതായ പ്രേക്ഷക സമൂഹമുണ്ട്. അവർ ആടിനെ വരവേറ്റത് കൈയടികളോടെയാണ്. മമ്മൂട്ടിയുടെയും പൃഥ്വിരാജിന്റെയും ഒപ്പമാണ് ചിത്രം റിലീസിനെത്തിയത്. എന്നാൽ ഒപ്പമുള്ള ചിത്രങ്ങളെക്കാൾ കംഫർട്ടബിളായ വിജയം ആടിന് ലഭിച്ചു. ജയസൂര്യയുടെ കോസ്റ്റ്യൂം പോലും ജനശ്രദ്ധ ആകർഷിച്ചു. അത് മാതൃകയായി തീരുകയും ചെയ്തു.
നിർദോഷമായ തമാശകളാണ് ചിത്രത്തെ വൻ വിജയമാക്കി തീർത്തത്. സിനിമ വിജയിക്കാൻ വലിയ കഥയും ബജറ്റുമൊക്കെ വേണമെന്നത് വെറും അതിശയോക്തി മാത്രമായി മാറി. സിനിമ ഹിറ്റാകണമെങ്കിൽ വലിയ താരങ്ങൾ വേണമെന്നതും തമാശയായി മാറി.
https://www.facebook.com/Malayalivartha